Uıymshyldyq úrdisi, shynaıy qoldaý úlgisi

Qazaqstan Respýblıkasy prezıdenttigine kandıdat Nursultan Nazarbaev­tyń respýbıkalyq qoǵamdyq shta­by­nyń saılaýaldy úgit-nasıhat jumys­tary Aqtóbe oblysynda jalǵasty. Keshe «Nur Otan» HDP oblystyq fı­lıalynda kandıdattyń respýblıkalyq shtabynyń músheleri, «Nur Otan» HDP bastamasymen qurylǵan, quramyna saıası partııalar jetekshileri, qoǵam qaı­ratkerleri, sondaı-aq úkimettik emes uıymdar músheleri kiretin «Qazaq­stan-2020» jalpyulttyq demo­kra­tııa­lyq kúshter koalısııasynyń ókilderi oblys aktıvimen, joǵary oqý oryn­dary ustazdarymen, kásiporyndar men mekemeler qyzmetkerlerimen, úkimettik emes uıymdar ókilderimen kezdesti. Kezdesýde sóz alǵan «Nur Otan» HDP Tóraǵasynyń birinshi orynbasary Nurlan Nyǵmatýlın elimiz táýelsizdik alǵannan bergi jıyrma jyl ishindegi saıası turaqtylyq pen ekonomıkalyq damýdy N.Nazarbaevtyń esimimen baı­la­nystyra áńgimeledi. Nursultan Ábish­uly­nyń demokratııalyq memleket qu­rýdaǵy, elimizdegi ekonomıkalyq qaıta qu­rýlardaǵy eren eńbeginiń nátıje­sin­de Qazaqstandy álem moıyndaǵanyna dáıekti dálelder keltirdi. – Bıyl elimizdiń Táýelsizdigine jıyr­ma jyl tolǵaly otyr. Osy ýaqyt ishinde bizdiń elimiz búkil álem tanyǵan memleket bolyp qalyptasty, tatýlyq pen birliktiń, yntymaqtastyqtyń jar­qyn úlgisine aınaldy. Alda turǵan as­qaraly mindetter men joba-jospar­lar­dy tek Nursultan Ábishulymen birge júzege asyra alatynymyz aıdan-anyq. Sondyqtan, aldaǵy bolatyn el prezıdenttigine saılaýda halyqtyń tańdaýy Nursultan Nazarbaev bolatynyna ká­mil senimdimiz. Alda turǵan mindetterdi júzege asyrýda kóshbasshylar qata­ryn­da kele jatqan oblys halqy aldaǵy saılaýǵa belsene qatysyp, Nursultan Ábishulynyń kandıdatýrasyn biraýyz­dan qoldap daýys beredi dep oılaımyn.Sizderdi týra osyndaı tańdaý jasaýǵa shaqyramyn, – dedi ol. Kezdesýde Nursultan Ábishulyn qol­daýǵa úndep «Ádilet» demo­kra­tııa­lyq partııasynyń tóraǵasy Maqsut Ná­rik­baev, «Aýyl» sosıal-demokratııalyq par­tııasynyń tóraǵasy Ǵanı Qalıev sóz sóıledi. Parlament Senatynyń de­pý­taty Qýanysh Sultanov táýel­siz­dik­tiń eleń-alańyndaǵy qıyndyqtardy jeńe oty­ryp, N.Nazarbaevtyń elimizdi álemdik qarjy daǵdarysynan da ádemi alyp shyqqanyn jetkizdi. Ol aqtó­be­likterdi N.Nazarbaevtyń kandıdatýra­syn qoldap daýys berýge shaqyrdy. Ataq­ty sport­shy, bokstan olımpıada chempıony Ermahan Ybyraıymov pen «Qazaqstan stýdentteri alıansy» qo­ǵam­dyq birlesti­gi­niń múshesi Erbol Shyma da elimizde jastar úshin jasa­lyp jatqan ıgi isterden habardar etti. Son­dyqtan jastardyń saılaýda Nur­sul­tan Ábishulyn qoldaıty­nyna senimdilik tanytty. Sol kúni Nurlan Nyǵmatýlın bastaǵan koalısııa músheleri úsh topqa bólinip, halyqpen úsh jerde kezdesý ótkizdi. Nurlan Nyǵmatýlın bastaǵan top «Aqtóberentgen» aksıonerlik qoǵamynyń ujymymen júzdesti. Koalısııa múshelerin kásiporyn ujymy rııasyz kóńilmen qarsy aldy. «Biz Elbasyǵa daýys beremiz», «Bizdiń tańdaýymyz –  Nursultan Nazarbaev» degen úndeýler ustaǵan jumysshylar­dyń N.Nazarbaevty qoldaıtyndyqtary anyq ańǵarylyp turdy. Kásipodaqtar federasııasynyń tór­aǵasy Sııazbek  Muqashev, «Atameken» odaǵynyń tóraǵasy Azat Perýashev, «Qaz­TransGazAımaq» AQ bas dırek­to­ry Qaırat Sháripbaevtyń sózderi de  eli­mizdiń qol jetken tabystary tóńi­re­ginde toǵysty. Kásiporyn jumys­shy­lary atynan sóz alǵan Aqjarqyn Omarova ózderi úshin Nursultan Nazarbaevtan basqa tańdaý bolmaıtynyn aıtty. Frezershi Orazbaı Saımaǵambetov al­daǵy prezıdenttik saılaý­da Nursultan Nazarbaevtyń kandı­da­tý­rasyn qoldaı­tyndyqtaryn bildirdi. «Nur Otan» HDP Tóraǵasynyń birinshi orynbasary Nurlan Nyǵmatýlın osy saltanatty sátti paıdalanyp, Orazbaı Saımaǵambetovti týǵan kúni­men quttyqtap, gúl shoǵyn jáne baǵaly syılyq tapsyrdy. Ol ujymnyń teń jartysy bolyp tabylatyn qyz-ke­lin­shekterdi ótken merekelerimen quttyq­týdy da umytpady. Qalǵan eki toptyń bireýi Alǵa aýdany turǵyndarymen, ekinshisi, qaladaǵy «Dostyq» úıinde etnomádenı birlestikter, shyǵarmashylyq ıntellıgensııa ókilderi jáne mádenıet salasy qyzmetkerlerimen kezdesti. Satybaldy SÁÝIRBAI, Aqtóbe.