Qazirgi zaman qaharmandaryna qurmet

Oblys ortalyǵy men Aqsý qalasynda «Qazirgi zaman qaharmandary» respýblıkalyq sharasyna qatysýshylarmen kezdesý ótti. Bul shara qylmyskerlermen kúres kezinde qaza tapqan ishki ister salasynyń qyzmetkeri, Halyq qaharmany, polısııa kapıtany Ǵazız Baıtasovtyń qurmetine arnaldy. – Ishki ister mınıstri Qalmuhanbet Qasymovtyń arnaıy tapsyrmasymen «Qazirgi zaman qaharmandary» atty shara ótýde. Iаǵnı, bul ıgi is patrıottyq tárbıe, ishki ister organdarynyń bedelin kóterip, halyqtyń olarǵa degen senimin arttyrýǵa baǵyttaldy. Al munyń bas­taýy 2013 jyly Ǵazız Baıtasovtyń tý­ǵan jeri – Jambyl oblysynda ótse, 2015 jyly Qyzylorda oblysynda uıymdastyrylǵan edi. Bıylǵy jyly jalǵasyn Pavlodar óńirinde tapty, – deıdi mınıstrliktiń kadr jumysy departamenti basshysynyń orynbasary, polısııa polkovnıgi Rýslan Qurymbaev. О́tken jyldary elimizde keýdesin oq pen otqa tosqan 763 polısııa qyzmetkeri qaza taýypty. Al Ulttyq ulan men ishki ister bóliminiń 1093 qyzmetkeri mem­lekettik dárejede marapattalǵan. О́ki­nishke qaraı, olardyń 115-ine qaza tapqan soń marapat berildi. Bul tizimniń ishinde pavlodarlyq polıseıler de bar. Olar óz ómirlerin qıyp, kóp­tegen turǵyndarǵa tóngen qaýipti seıiltti. Sondyqtan, soltústiktegi oblys ortalyǵyna elimizdiń ár óńirinen jınalǵan búgingi kúnniń batyrlaryn jurtshylyq maqtanyshpen qarsy alyp, qurmet kórsetti. Polıseılerdiń biri qaýipti qyl­mys­ker­di aýyzdyqtasa, biri sýǵa sekirgen adamdy, endi biri otta qalǵan sábılerdi qutqardy. Olar – Ońtústik Qazaqstan oblysynan Beksultan Keńesov, Sábıtjan Aıazhanov, Jambyl oblysynan Danııar Záýirbek, Almaty oblysynan Maqsat Álıev, Serikbek Alpysbekov, Qaraǵandy oblysynan Dáýren Altaev, Qostanaı oblysynan Erlan Tańjaryqov, Qyzylorda oblysynan Nurlybek Nurtaev, Shyǵys Qazaqstan oblysynan Tilek Shaıahmetov pen Erlik Kokashev, Almaty qalasynan Nursultan Qartbaev, Astana qalasynan О́mirjan Temirbekov, Pavlodar oblysynan Aman Áýbákirov, Qosymbaı Nurjaýar jáne Syrym Súndetov syndy azamattar. Taǵzym etip, eske alý keshi Almaty qalasynyń ishki ister departamenti ansambliniń óner kórsetýimen aıaqtaldy. Farıda BYQAI, «Egemen Qazaqstan» Pavlodar oblysy