Batys Qazaqstan oblysynda 2016 jyly áleýmettik-ekonomıkalyq salada barlyǵy 774 tekseris júrgizilip, 5,5 myń zańbuzýshylyq anyqtaldy. Bul týraly oblys prokýrory Saparbek Nurpeıisov júrgizgen jyl qorytyndylaryna arnalǵan jıynda málim etildi, dep habarlaıdy QazAqparat. Osy zańbuzýshylyqtardy joıý maqsatynda 1 myńnan astam qadaǵalaý aktileri engizilip, 469 zańsyz akti, sonyń ishinde 11 normatıvtik-quqyqtyq akti buzyldy.
Bir jyl ishinde 28 myńnan astam azamattyń konstıtýsııalyq quqyǵy qorǵalyp, 2,5 myń adam túrli jaýapkershilikke tartyldy. 38 qylmystyq quqyqbuzýshylyq boıynsha sotqa deıingi tergep-tekserý bastaldy. Bıýdjetke 4,2 mlrd. teńgeniń toltyrylýy qamtamasyz etilip, 243 mln. teńgeniń múlki memleketke qaıtaryldy.
Tki jylǵa eseptelgen «Qumar oıynsyz qala» jobasy oblys ortalyǵynda júzege asyrylýda. Kásipkerler palatasymen birlese júrgizilgen quqyqtyq-túsindirý jumystary nátıjesinde óz erikterimen aınalymnan 40 oıyn avtomaty alyndy. Májbúrli túrde 38 avtomat alynyp, 18 onlaın-kazınonyń qyzmeti toqtatyldy. Mundaǵy maqsat - qala aýmaǵyndaǵy zańsyz oıyn bıznesin tolyqtaı joıý. Sondaı-aq mal urlyǵyna qarsy birlesken is-qımyl nátıjesinde bul qylmys 18 paıyzǵa azaısa, «Tabıǵatty birge qorǵaıyq» jobasy turmystyq qaldyqtardy 101 myń tonnadan 87 myń tonnaǵa deıin qysqartýǵa múmkindik berdi.
О́nerkásip qaldyqtaryn kádege jaratý kólemin arttyrý arqyly qorshaǵan ortaǵa keltiriletin zalal 72 paıyzǵa tómendedi. О́kiletti organdardyń qyzmetin tıimdi úılestirý arqyly eńbek qatynastary salasynda turaqtylyq saqtaldy. Sonyń nátıjesinde 2,5 myń jumysshyǵa 283 mln. teńge jalaqy bereshegi ýaqtyly óteldi. Oǵan qosa memlekettik kásiporyndardyń jumyspen qamtý ortalyqtaryna bos jumys oryndary týraly habarlamaýynyń 1,8 myńnan astam deregi belgili bolyp, qabyldanǵan sharalar boıynsha 437 adam eńbek ornyn tapty.
Oblys prokýratýrasynyń bastamasymen qaraýsyz qalǵan 28 aýlanyń sport alańy qaıta jabdyqtalyp, 5 myńnan astam jetkinshek sportpen aınalysýǵa múmkindik aldy.