Kásipqoı boksta Qazaqstannyń namysyn abyroımen qorǵap júrgen otandasymyz Qanat Islam kelesi kezdesýin 17 aqpan kúni Nıýark qalasynda ótkizedi. Bul týraly vesti.kz tilshisine «Nelsons Promotion» promoýterlik kompanııasynyń Qazaqstandaǵy ókili Nurǵazy Ismaǵambetov aıtty.
«Qanat Islam kásipqoı bokstaǵy kelesi kezdesýin 17 aqpan kúni Nıý-Djersı shtatyndaǵy Nıýark qalasynda ótedi. Roı Djonstyń qatysýymen ótetin boks keshinde Islam 10 raýndtyq jekpe-jek ótkizedi. Biraq, bul keshte Qanat chempıondyq ataǵyn qorǵamaıdy. Otandasymyz chempıondyq ataǵyn tek Qazaqstanda qorǵaımyn dep otyr. Qarsylasynyń kim bolatynyn aldaǵy ýaqytta habarlaımyz. Qanat Islam qazir AQSh-ta. Nelson Lopezdiń qol astynda jattyǵý jumystaryna kirisip ketti» - deıdi Ismaǵambetov.
Aıta keteıik, Qanat Islam kásipqoı bokstaǵy óziniń sońǵy jekpe-jegin 29 qazan kúni Almatyda ótkizip, tóreshilerdiń sheshimi boıynsha ganalyq Patrık Alloteıden basym túsken edi.