WBA (Super), IBO, WBC jáne IBF tujyrymdary boıynsha orta salmaqta álem chempıony Gennadıı Golovkın (36-0, 33 KO) Los-Andjeleste jýrnalısterge bergen suhbatynda 2016 jyly boksqa degen qushtarlyǵy basylyp qalǵanyn málimdedi. Bul týraly vesti.kz habarlady.
«2016 jyly shynymen de boksqa degen qushtarlyǵym basylyp qaldy. Túsinesiz be, meniń atymdy atap, jekpe-jekke shaqyrǵandar kóp bolǵanmen, is júzinde eshkim kirispeıdi. Tipti buǵan daıyn da emes. «Kanelo», Sonders, Froch, Iýbenk, Chaves. Aqylǵa qonymsyz. Sózderi men isteri saı kelmeıdi», – dedi GGG.
«Biraq endi ózime naǵyz qarsylasty tapqan sııaqtymyn. Djeıkobstyń suhbattary meni jigerlendire túsedi. Alvares? Múmkin bolashaqta kezdesip qalarmyz, al qazirgi ýaqytta buǵan eshqandaı qyzyǵýshylyǵym joq», – dedi Golovkın.
Aıta keteıik, qazaqstandyq boksshymen meksıkalyq Saýl Alvarestiń arasyndaǵy aıqas 2016 jyly ótýi tıis edi. Biraq mamyr aıynda «Kanelo» mindetti jekpe-jekten bas tartqannan keıin onyń WBC belbeýi Gennadııge berilgen bolatyn.
Al 18 naýryzda Nıý-Iork qalasyndaǵy Madison Square Garden arenasynda amerıkalyq Dennıel Djeıkobspen judyryqtasady.