Aqordanyń baspasóz qyzmeti Memleket basshysynyń qatysýymen ótetin aldaǵy is-sharalar ańdatpasyn jarııalady.
Qazaqstan Prezıdenti 15-16 qańtarda resmı saparmen Birikken Arab Ámirlikterinde bolady. Sapar barysynda Birikken Arab Ámirlikteriniń memleket qaıratkerlerimen jáne isker toptar ókilderimen kelissózder ótkizý josparlanǵan.
Atap aıtqanda, Nursultan Nazarbaev Abý-Dabı ámirliginiń taq murageri, BAÁ Qarýly kúshteri Joǵarǵy Bas qolbasshysynyń orynbasary, sheıh Muhammed ben Zaıd Ál Nahaıanmen kezdesedi. Budan bólek, Memleket basshysynyń H Dúnıejúzilik «Bolashaqtyń energııasy» sammıti jumysyna qatysýy josparlanyp otyr.