Qoltańba
Bir kúni aıtysker aqyn Syrym Áýezhan, ataqty «Sary tentek» atanǵan Qýanysh Maqsutovtan qoltańba alýǵa barǵan eken. Qýekeń de qý eken. Jas balaǵa óleń jazyp berip turǵansha, «qalamsabymdy berip qutylaıyn» dep oılapty. Sóıtse bizdiń Syrym Qýekeńniń rýchkasyn alyp turyp: «avtografty ózim jazyp alaıyn ba, aǵa», – degen eken.Holodılnık
Bir kúni aıtysker aqyn Nurlan Musaev taksıge otyryp, kóliktiń esigin qatty serpip jaýyp jiberse kerek. О́z mashınasyna jany ashyp ketken shopyr «baýyrym, esikti aqyryn japsańshy, úıińde holodılnık joq pa?» dep renjigen kórinedi. Sóıtse, sóz tapqysh Nurlan «Holodılnık bar ǵoı, biraq ony ishinen jaýyp kórmeppin» degen eken.Bir árip
Nurlan Aqqazın degen aıtysker aqyndy bir aıtysta júrgizýshi Nurlan Aqqozın dep sahnaǵa shaqyrypty. Famılııasy qate aıtylǵanǵa renjip, Nurekeń sahnaǵa shyqpaı qoısa kerek. Qazylar alqasynda otyrǵan úlkender «bir áripte turǵan ne bar sonsha, halyqty kúttirip qoıǵanyń uıat emes pe?!» – dep urysyp jatsa, Nurlan: «Bir áripke kóp nárse baılanysty. Senderdi ádil qazylar demeı, ádil qozylar dese jaqsy ma?» degen eken. Jazyp alǵan Raýan QAIDAR, «Egemen Qazaqstan»