Almatyda HHVIII qysqy Ýnıversıada oıyndarynyń saltanatty ashylý jáne jabylý sharalary ótetindikten shaharda ornalasqan 9 saýda ortalyǵy 29 qańtar men 8 aqpan kúnderi jabylady.
Qala ákimdiginiń baspasóz qyzmetiniń habarlaýynsha sanıtarlyq kúnder júrgizilýine baılanysty 29 qańtar men 8 aqpanda jabylatyn saýda ortalyqtarynyń qatarynda «Magným» gıpermarketi (Aqbulaq, 273), «Altyn Orda» bazary (Tashkent dańǵyly, 15 km, 1), «Barlyq» bazary (Tashkent tas joly 18 km, 1/1), «Qurdas-7» bazary (Tashkent tas joly 15 km, 1/7), «Jibek Joly» bazary (Raıymbek dańǵyly, 517/6), «Juldyz» bazary (Rozybakıev kóshesi, 33/1), «Barys 4» bazary (Raıymbek dańǵyly, 212d/1), «Kar Sıtı» saýda ortalyǵy (Tóle bı kóshesi, Iаsaýı kóshesiniń qıylysy) jáne «Arzan» gıpermarketi (Raıymbek dańǵyly, 507a) bar eken.
Aıta ketsek, shaharda jumys istep turǵan 46 saýda ortalyǵynyń 4-eýi mamandandyrylǵan, 16-sy azyq-túlik satatyn jáne 26-sy ámbebap bazarlar bolyp tabylady. Atalmysh saýda oryndarynda 20 myńnan astam kásipker men 25 myńǵa jýyq jumysshy jumys istep, nápaqasyn taýyp júr.
Mıra BAIBEK,
«Egemen Qazaqstan»
ALMATY