Astanada zańdastyrylǵan múlik pen qarajattyń kólemi 962,1 mlrd teńgeni qurady, dep habarlaıdy elorda ákimdiginiń baspasóz qyzmeti.
Astana qalasy boıynsha memlekettik kiris departamentiniń málimetteri boıynsha, Qazaqstan Respýblıkasynan tys múlikti zańdastyrý úshin jalpy somasy 3,2 mlrd teńgeni quraıtyn 44 nysan boıynsha 41 deklarasııa usynyldy, sondaı-aq, zańdy tulǵalardyń 15 mlrd teńgeni quraıtyn jarǵylyq kapıtaldaǵy 4 úlesi zańdastyryldy.
Munymen qosa, elordalyq memlekettik kirister organdarynda jalpy quny 54,7 mlrd teńgeni quraıtyn 10 myńnan asa turǵyn jáne turǵyn emes nysan, sondaı-aq zańdy tulǵalardyń 40,9 mlrd teńgeni quraıtyn jarǵylyq kapıtaldaǵy 15 úles zańdastyryldy.
Eske salaıyq, Qazaqstanda múlik pen qarjyny zańdastyrý sharasy 2014 jyldyń 1 qyrkúıegi men 2016 jyldyń 31 jeltoqsany aralyǵynda ótti.