17 mıllıardtan astam teńgeni qurady
О́tken jyly aldaǵy jylytý maýysymyn talqylaý boıynsha Úkimet otyrysynda Energetıka mınıstri Qanat Bozymbaev el Premer-Mınıstrine ótinish bildirgen. Ol oblystyq ákimdikter basshylaryna tutynylǵan tabıǵı gaz úshin jınalǵan qaryzdy tóleý boıynsha dereý shara qabyldaýdy tapsyrýdy suraǵan. Onsyz, mınıstr sózine qaraǵanda, qysqy kezeńde jylý berýdi kesheýildetýden qutylý múmkin emes.
Biraq osy Mınıstrler kabıneti basshysynyń tapsyrmasyna qaramastan, oblystar ákimdikteri osy máselege jetkilikti kóńil bólmegen. Anaǵurlym iri qaryzdar óńirlik jylýmen jabdyqtaý kásiporyndarynda jınalyp qalǵan, bul rette «QazTransGaz» AQ qandaı jaǵdaı bolsa da turǵyndardyń zardap shekpeýi úshin gaz berýdi toqtatqan joq. Degenmen, Energetıka mınıstriniń eskertýi rasqa aınalyp – OQO-da jylytý maýsymy keleńsizdikterge tap bola bastady. Taıaý kúnderi QazTransGaz Aımaq jınalyp qalǵan eki mıllıard teńge qaryzy úshin Shymkent qalasyndaǵy 3-shi Jylý energetıkalyq ortalyq tutynatyn gaz kólemin birshama qysqartty. Ádettegishe, qala bıligi beriletin otynnyń kólemin qalpyna keltirýdi surap otyr jáne qaryzdy tóleýge ýáde berdi.
Búgingi kúni qazaqstandyq kásiporyndardyń «QazTransGaz Aımaq» AQ aldyndaǵy tutynylǵan gaz úshin bereshegi 17 mlrd teńgeden asyp ketti. Jaǵdaı alańdatarylyq ekenin eskere otyryp, «QazTransGaz Aımaq» kompanııasy Qazaqstan óńirleri boıynsha tutynylǵan gaz úshin bereshegin qaıtarmaı otyrǵan kásiporyndar tizimin jarııalady.
Oblystardaǵy kásiporyndardyń qaryzy boıynsha alǵanda tizim bylaısha jasaqtalǵan:
Mańǵystaý oblysy – 8,1 mlrd teńge;
Ońtústik Qazaqstan oblysy – 1,9 mlrd teńge mólsherde debıtorlyq qaryzy bar;
Almaty – 1,8 mlrd teńge;
Batys Qazaqstan oblysy – 1,5 mlrd teńgeden astam;
Qostanaı oblysy – 1 mlrd 406 mln teńge;
Aqtóbe oblysy – 821 mln teńge;
Jambyl oblysy – 772 mln teńgeden astam;
Qyzylorda oblysy – 743 mln teńgeden astam;
Atyraý oblysy – 86 mln teńgeden astam;
Almaty oblysy – 16,1 mln teńge.
Jınalǵan qomaqty qaryz saldarynan tek jetkizýshi-kásiporyn ǵana emes tutas bir óńir zardap shegýde. Osy oraıda aıta keterligi, Qazaqstanda qyzyqty úrdis qalyptasqan – kommýnaldyq qyzmetterdi eń uqypty jáne tııanaqty tóleýshiler zeınetkerler men qyzmetshiler bolyp tabylady, al eleýli tabys taýyp otyrǵan keıbir iri kompanııalar aılar men jyldar boıy qyzmet aqylaryn tóleýge qulyq tanytpaıtyn bolǵan.
«QazTransGaz Aımaq» AQ ózderiniń resmı saıtynda qasaqana tólemeýshilerge, eger de olar qaryzdy tólemeıtin bolsa sotqa júginýge májbúr bolatyndaryn jáne naqty sharalar qabyldaıtyndaryn, mysaly, osy kásiporyndarǵa gazdy qysqartatyndaryn nemese berýdi shekteıtinderin eskertti.
«Egemen-aqparat»