Aldyn ala málimetterge sáıkes, Samara – Shymkent respýblıkalyq avtojolymen kele jatqan marshrýttyq avtobýs mektep avtobýsymen soqtyǵysqan. Soqqy saldarynan mektep avtobýsy ınersııamen aldynda turǵan avtokólikke baryp soǵylǵan.
«Jol-kólik oqıǵasy saldarynan zardap shekkender tirkeldi, olardyń ishinde balalar da bar. Qaza bolǵandar joq. Barlyǵyna medısınalyq kómek kórsetildi», delingen habarlamada.
Atyraý oblysynda jol apatynan eki bala kóz jumdy
Atalǵan derek boıynsha qylmystyq is qozǵaldy. Marshrýttyq avtobýstyń júrgizýshisi ýaqytsha ustaý ızolıatoryna qamaldy.
Elimizde jol apatynan bolatyn ólim-jitim 9,7%-ǵa azaıdy
Qazirgi ýaqytta oqıǵa ornynda polısııa qyzmetkerleri jumys istep, apattyń barlyq mán-jaıyn anyqtap jatyr. Tártip saqshylary árbir qatysýshynyń áreketine tıisti quqyqtyq baǵa beriletinin málimdedi.