Elordanyń kommýnaldyq qyzmeti qys mezgilinen keıin qalany aýqymdy sanıtarlyq tazalaý jumysyn júrgizip jatyr, dep habarlaıdy Egemen.kz.
Osy aýqymdy jumys aıasynda qalalyq ınfraqurylymnyń ártúrli nysandary tazalanyp, jýylady. Atap aıtqanda, qorshaýlar, aıaldamalar, jaryq baǵanalary, jol belgileri, joldar, trotýarlar tolyq tazartylady. Sonymen qatar, aýla, skverler, saıabaqtar jáne basqa da qoǵamdyq oryndarda jóndeý-qalpyna keltirý jumystary júrgiziledi.
Qalanyń barlyq aýdanynda sanıtarlyq tazalaý jumysy belsendi júrip jatyr. Nura aýdanynda jergilikti aýmaqtardy tazalaý jáne retke keltirý boıynsha júıeli jumys júrýde. Joldar jýylyp, trotýarlar, kópirler, aıaldamalar jáne qalalyq ınfraqurylymnyń basqa elementteri tazalanyp jatyr.
Baıqońyr aýdanynda sanıtarlyq tazalaýmen qatar aýla, skver jáne saıabaqtarda jóndeý-qalpyna keltirý jumysy bastaldy. Balalar men sport alańdary, qoqys konteınerleri ornalasqan oryndar rettelip, abattandyrý elementteri qalpyna keltirilip jatyr.
Almaty aýdanynda jumystar kúsheıtilgen rejımde júrip jatyr, kúndelikti jumysqa shamamen 300 jol jumysshysy men 250-den astam arnaıy tehnıka jumyldyrylǵan. Joldardy jáne ınfraqurylymdy jýýmen qatar, jasyl jelekterge kútim kórsetilip, aıaldamalar tazartylyp, anshlagtar men qorshaýlardyń elementterin qalpyna keltirý jumysy júrip jatyr.
Taldykólde tazartý jumystary júrgizildi
Esil aýdanynda da kóktemgi jóndeý-qalpyna keltirý jumysy bastaldy. Tas tósemeler qalpyna keltirilip, D.Qonaev kóshesindegi tireý qabyrǵasynyń ústińgi taqtalary jóndelýde. Kúndelikti qalalyq ınfraqurylymnyń keshendi jýý jumysy júrgizilip jatyr. Bul jumysqa 500-den astam jol jumysshysy men 200-den astam tehnıka jumyldyrylǵan.
Saryarqa aýdanynda da aýqymdy sanıtarlyq tazalaý júrgizilip jatyr. Jumystar jol jabyndysyn, jerasty ótkelderin, aýla aýmaqtaryn jáne kóshe jıhazdaryn qamtıdy. Sonymen qatar, aıaldamalar tazalanyp, abattandyrý elementteri jóndelip jatyr. Sanıtarlyq tazalaýǵa 735-ten astam tehnıka jáne 253 jol jumysshysy jumyldyrylǵan.
Oljas Bektenov «Aq-Ata» bulaǵyn tazartý jumysyna atsalysty
Saraıshyq aýdanynda 200-den astam arnaıy tehnıka men 400 jol jumysshysy tartylǵan. Qar shyǵarý, qum-topyraq pen iri qoqystardan tazartý, jol jıegin jınaý, trotýarlar men kópirlerdi jýý jumysy júrgizilip jatyr.
Qazir qalanyń barlyq alty aýdanynda sanıtarlyq tazalaý jumysy júrgizilýde. Trotýarlar men jol jabyndary arnaıy tehnıkanyń kómegimen tazalanyp, kógaldy tustar jáne basqa jerler retke keltirilip jatyr.
Qonaevta káriz-tazartý júıesiniń qurylysyna qansha qarjy jumsalady?