Qatar elshisin qabyldady

Parlament Senatynyń Tóraǵasy Qasym-Jomart Toqaev Qatar Memleketiniń Qazaqstandaǵy elshisi Ahmad ál-Tamımıdi onyń ótinishi boıynsha qabyldady, dep habarlady Senattyń baspasóz qyzmeti. Tóraǵa dıplomatty Qa­zaq­­­standaǵy qyzmetiniń bas­­talýy­men quttyqtady já­ne onyń jumysy tabysty bolýy­na tilektestigin bil­dir­di. «Qa­zaq­stan álemdik qoǵam­das­tyq­tyń yqpaldy múshe­si ári qa­zirgi zamandaǵy Taıaý Shy­ǵys­taǵy órkendegen mem­lekettiń biri bolyp tabylatyn Qatarmen ózara tıimdi baı­lanystardy damytýǵa já­ne te­reń­detýge erekshe mán beredi», – dedi Q.Toqaev. Senat Tóraǵasy Sırııa­daǵy jaǵdaıdy retteý jónin­degi Astanada ótip jatqan kelis­sózderdiń teńdesi joq erek­she sıpaty bar ekenin atap kórsetti. Olar bir jaǵy­nan bul shıelenisti ret­teýge búkil álemdik qoǵamdastyqtyń nazary aýyp otyrǵanyn, ekinshi jaǵynan Qazaqstan áleýetiniń jáne osynaý kúrdeli istegi Elbasy Nursultan Nazarbaevtyń bedeli men ádil bitimger retinde moıyndalǵanyn pash etti: «Bizdiń elimiz ózin álemdik dıplomatııadaǵy jetekshi tuǵyrnamalardyń biri retinde kórsetti», – dedi Senat basshysy. Q.Toqaevtyń pikirinshe, osy kezdesýlerdiń nátıjeleri qandaı bolsa da, Astana úderisteri bul kúrdeli másele boıynsha aldaǵy Jenevadaǵy kelissózderge eleýli serpin beretin bolady.