«Erekshe alǵysymdy bildiremin»

Elbasy Nursultan Nazarbaev memle­ket­tik bıliktiń tarmaq­tary arasynda óki­lettikterdi qaıta bólý máselesi respýblıka damýynyń júıeli jáne zańdy kezeńi bolyp tabylatyndyǵyn aıtyp, Densaýlyq saqtaý mı­nıstr­ligin qaıtadan qurǵan edi. Bas­shylyǵyna Eljan Birtanov taǵaıyndaldy. Bul der kezinde qolǵa alynǵan másele, sebebi, memleketimiz úshin adam ómiri, halyq densaýlyǵynan artyq eshteńe joq. Osynaý jaǵymdy jańa­lyqqa ásirese, 40 jyl boıy Semeı ıadrolyq polıgony bombalarynyń jarylysy as­tynda ómir súrýge májbúr bolyp, túrli qaterli dertterge ushyraǵan, adam aıtqysyz zardap shekken halyq retinde biz qatty qýanyp otyrmyz. Res­pýblıkalyq «Egemen Qazaqstan» gazetiniń 2017 jylǵy 16 qańtardaǵy №15 sanynda jýrnalıst Raýshan Nuǵmanbekovanyń «Qosylýdan qol uzarsa jaqsy ǵoı...» at­ty maqalasy shyqty. Onda meniń bergen aq­parattarym boıynsha jáne jergilikti turǵyndardyń ótinishimen Semeı qalasyn­daǵy narkologııalyq dıspanserdiń ońtaı­landyrylmaýy jaıly aıtylǵan edi. Osy maqaladan Áleýmettik qorǵaý jáne den­saý­lyq saqtaý mınıstrliginen bizge habarlasyp, Semeı qalasyn­daǵy halyqqa asa qajetti narko­logııalyq dıspanser psı­holo­gııa­lyq aýrýhanaǵa ázir­she qosyl­maıtyndyǵynan habar­dar etti. Sondyqtan da, mekeme qyz­met­kerlerimiz ben naý­qas­tarymyzdyń, semeılikterdiń atynan zor rıza­shylyǵymyzdy aıtyp, máseleni der kezinde kótergeni úshin «Egemen Qazaqstan» gazetiniń bas­shy­lyǵyna, ujymyna erekshe al­ǵy­symdy bildiremin. Pavel BRYJAHIN, Semeı qalalyq narkologııalyq dıspanseriniń dırektory   Shyǵys Qazaqstan oblysy