Sot júıesin aqparattandyrý strategııasy ázirlenedi

Joǵarǵy sotta «Memleket basshysynyń Qazaqstan Respýblıkasy sýdıalarynyń VII sezinde qoıǵan mindetterin iske asyrý» taqyrybynda sot tóreligin júzege asyrýdyń ótken jylǵy qorytyndylaryna arnalǵan keńeıtilgen keńes ótti.  Prezıdent Ákimshiligi Bas­shy­synyń orynbasary T.Do­na­qov, Joǵary Sot Keńesiniń tóraǵasy A.Smolın, Adam quqyq­tary jónindegi ýákil A.Sháki­rov, Joǵarǵy sottyń sýdıa­lary, oblystyq sottardyń tóraǵa­lary men ákimshileri, Sýdıa­lar odaǵy men Joǵarǵy sot ja­nyn­daǵy Sottardyń qy­z­metin qam­ta­masyz etý depar­tamentiniń bas­shyly­ǵy qatys­qan jıynda Joǵarǵy sot Tóraǵasy Qaırat Mámı baıan­dama jasap, ótken jylda eli­miz­de sot júıesin damytý­dyń ja­ńa kezeńi bastalǵa­nyn, so­nyń sheńberinde quqyq ús­tem­digi salasyndaǵy ıns­tı­tý­sıonaldyq reforma­lardy praktıkalyq turǵy­dan iske asyrý qamtama­syz etil­genin atap ótti. Al jyl qo­r­y­tyndysyn shyǵaryp, al­daǵy kezeńge baǵyttalǵan bir­qatar mindetterdi baıan etken Tóraǵanyń aıtýynsha, aza­mattyq isterdi sottarda qaraýdyń jalpy merzimi eki ese qysqaryp, aza­mat­tyq isterdiń 82 paıyzdan astamy alǵashqy sot otyrysynda-aq aıaq­talǵanyn jetkizdi. «Osylaısha, isterdi buıryq arqyly qaraý – 43 paıyzǵa, daý­dy sheshýdiń balamaly joldaryn qoldaný – 68 paıyz­ǵa, medıasııa tásilimen 3 esege artty. Sóıtip, jalpy istiń 59,2 paıy­zy taraptardy sotqa sha­qyr­maı-aq, jeńildetilgen is júrgi­zý tártibimen qaralýda. Al pro­kýrordyń qatysýy­men qa­ralǵan isterdiń sany sha­mamen tórt esege azaıdy», – dedi Q.Mámı. Sondaı-aq, sotqa kelip túsken ótinishter men isterdiń jalpy sany artyp, 2015 jylmen salystyrǵanda kórsetkish 1 mln 160 myńnan asqany belgili boldy. Sonyń ishinde 810 myńǵa jýyq is pen ótinish azamattyq sot isin júrgizý tár­ti­binde qaralsa, sońǵy 5 jylda sottar qaraǵan azamattyq isterdiń sany tórt ese nemese 200 myń iske artqan. Osyǵan baılanysty Qaırat Mámı sýdıalardyń VII sezinde bergen Memleket basshysynyń tapsyrmasyn iske asyrý sheń­berinde daýlardy sottan tys sheshý tetikterin damytý ar­qyly sot júktemesin azaıtý boıynsha sharalardy ázirleý qa­jettigin alǵa tartty. Sonymen qatar, óz baıan­da­masynda Q.Mámı elektrondy sot tóreligin odan ári je­til­dirý qajettiligine erekshe nazar aýdardy. Sóıtip, al­da­ǵy bes jylǵa arnalǵan Sot júıesin aqparattandyrý stra­tegııasyn ázirleý mindeti qoı­yldy. Atalǵan qujat sheń­be­rinde sot organdarynyń Ahýal­dyq ortalyǵy qurylyp, sot otyrysynyń elektrondy zaly­nyń modeli engizilip, sot isin júrgizý tolyǵymen elektrondy nusqaǵa kóshiriletin boldy. Aıta keteıik, shara aıasyn­da azamattyq, qyl­mys­­tyq, ákim­shilik ister já­ne ın­ves­tı­sııa­­lyq daýlar boıynsha sot tó­religin júze­ge asyrýdyń 2016 jyl­ǵy qorytyndysy týraly Joǵarǵy sottyń alqa tóra­ǵa­lary Elis Ábdiqadyrov, Abaı Rahmetýlın men Aıgúl Qydyrbaeva baıandama jasady. Sondaı-aq, birqatar oblys tóraǵalary da sóz sóılep, aımaqtardaǵy sot isiniń jaǵ­daıyn egjeı-tegjeıli habardar etti. Nurlybek DOSYBAI, «Egemen Qazaqstan»