Eýropadaǵy qaýipsizdik jáne yntymaqtastyq uıymy Turaqty keńesiniń otyrysynda EQYU janyndaǵy Qazaqstan delegasııasy Memleket basshysy jarııalaǵan konstıtýsııalyq reformalarǵa qatysty Úndeýdiń negizgi mazmunyn túsindirdi.
Qazaqstandyq delegasııa qarastyrylyp otyrǵan reformanyń negizi bıliktiń birqatar ókilettilikterin qaıta bólý jáne jalpy saıası júıeni demokratııalandyrýǵa baǵyttalǵanyn atap ótti.
Jalpy, bıliktiń barlyq tarmaqtarynyń tıimdiligi men jaýapkershiligin arttyrý úshin aldaǵy ýaqytta atqarylatyn jumystar belgilengenin aıta ketý kerek. Bul reformanyń bılik tarmaqtary arasynda teńgermelik júıesin qalyptastyrýǵa yqpal etedi. Atqarylatyn sharalardyń asa zor mańyzǵa ıe ekendigin eskere otyryp, konstıtýsııalyq reforma máselesi jalpyhalyqtyq talqylaýǵa shyǵarylǵan.
EQYU janyndaǵy Turaqty keńes elimizdegi konstıtýsııalyq reformanyń birinshi kezekte Qazaqstannyń ózindik tájirıbesi men qajettilikterine súıenip qolǵa alynǵanynan, ol elimizdiń bolashaq damýyna jáne bes ınstıtýttyq reformalarǵa sáıkes keletininen habardar.
Arnur ASQAR,
«Egemen Qazaqstan»