30 qańtar kúni el aýmaǵynyń basym bóliginde turaqsyz aýa raıy saqtalady, keı jerlerde qar, ońtústik oblystarda jaýyn-shashyn kútiledi. Taýly aımaqtarda jaýyn-shashyn qatty bolady. Respýblıkanyń keı óńirlerinde tuman, kóktaıǵaq, ekpindi jel boljanady, ońtústik-batysta jel jaıaý burqasynmen bolady.
Qazgıdromettiń habarlaýynsha, Aqmola, Batys Qazaqstan, Aqtóbe, Qostanaı, Soltústik Qazaqstan, Pavlodar, Shyǵys Qazaqstan oblystarynyń keı jerlerinde tuman kútiledi. Túnde Almaty oblysynyń keı aýmaqtaryn tuman basyp, kúndiz jeldiń kúshi 15-20 m/s bolady, Jalańashkól aýdanynda jel 23-28 m/s kúsheıedi.
Ońtústik Qazaqstan oblysynyń keı jerlerinde tuman kútiledi, jeldiń kúshi 15-20, ekpini 23-28 m/s jetedi.
Qyzylorda oblysynyń jekelegen jerlerinde tuman, kóktaıǵaq, 15-20 m/s jyldamdyqta jel bolady.
Mańǵystaý oblysynyń keı jerlerinde tuman, kóktaıǵaq, jaıaý burqasyn kútiledi.
Jambyl oblysynyń keı jerlerinde tuman, kóktaıǵaq bolýy yqtımal, 15-20 m/s ekpinmen soqqan jeldiń jyldamdyǵy 25 m/s artady.
Kúndiz oblystyń ońtústik-batysynda jeldiń kúshi 30 m/s-qa joǵarylaıdy.