Almaty ákimi Baýyrjan Baıbek Vengrııa Syrtqy ister men syrtqy saýda mınıstrliginiń Memlekettik hatshysy, memlekettik qaýipsizdik Hatshysy Ishtvan Mıkolamen kezdesti, dep habarlady Almaty ákiminiń baspasóz qyzmeti.
Taraptar saýda-ekonomıkalyq jáne mádenı-gýmanıtarlyq baılanysty nyǵaıtý máselelerin talqylady.
Kezdesý barysynda megapolıs ákimi ekijaqty baılanystyń belsendi dınamıkasyn atap ótti: 2016 jyldyń 11 aıy ishinde Almaty qalasy men Vengrııa arasyndaǵy taýar aınalymy 2015 jyldyń osy kezeńimen salystyrǵanda 27% -ǵa artyp, 55,7 mln. AQSh dollaryn quraǵan atap ótti.
Vengrııanyń Syrtqy ister men syrtqy saýda mınıstrliginiń Memlekettik hatshysy óziniń sózinde týrızm salasynda eki jaqqa da paıdaly úlken potensıaldyń bar ekenin sóz etti. Almatyda týrıster leginiń artýyna bıylǵy jyldyń 1 qańtarynan bastap 56 eldiń ókiline Qazaqstanda 30 kún boıyna vızasyz júrý kestesiniń engizilgeni oń yqpal etetini belgili, bul rejımniń Vengrııa azamattaryna da qatysty ekendigi aıtyldy.
«2017 jylǵy Ýnıversıadany ótkizý - Almaty ǵana emes, barsha Qazaqstan úshin úlken jetistik. Vengrııa quramasy myqty, ásirese konkımen júgirý sportynda, biz joǵary probaly medaldar alýǵa úmittenemiz», -dedi Ishtvan Mıkola.
Ol Almatydaǵy Ýnıversıada nysandary týrızmdi odan ári arttyrýǵa áser etetinin de atap ótti. Vengrııada iri sport nysandary jetkilikti ári olar tıimdi paıdalanylýda dedi. Aıtylǵan syndarǵa qaramastan, bul ınvestısııalar aýqymdy mýltıplıkatıvti tıimdilikke jeteleıtindigin aıtty.