2018 jyldyń sońyna deıin Qazaqstanda jekeshelendirilmegen bir de bir nysan qalmaýy kerek. Búgin Úkimet otyrysynda Premer-mınıstr Baqytjan Saǵyntaev Qarjy mınııstrligine osyndaı mindet júktedi, dep habarlaıdy QazAqparat.
«Jekeshelendirý máselesine toqtalsaq, biz 2020 jylǵa deıin jekeshelendirýge jatatyn nysandardyń tizimin anyqtaǵan bolatynbyz. Prezıdent osy tizimdegi kásiporyndar 2018 jyldyń sońyna deıin jekeshelendirýge ótsin degen tapsyrma berdi. Sondyqtan, aqpan aıynyń sońyna deıin jekeshelendiriletin árbir nysannyń merzimin qaıta qarap shyǵý kerek. Bul ásirese, jekeshelendiriletin nysandardyń 60 paıyzyna ıe ákimderge qatysty»,-degen Úkimet basshysy Qarjy mınıstrligine osy máseleni qatań baqylaýǵa alý mindetin júktedi.
«Sondyqtan, Qarjy mınıstrligine jekeshelendirý prosesin qatań baqylaýǵa alýdy tapsyramyn. 2018 jyldyń sońyna deıin, IPO shyǵaratyn nysandardy esepke almaǵanda, jekeshelendirilmegen nysan qalmaýy kerek»,-dedi Saǵyntaev.