Qol kúresinen álemge tanymal «Shardara armsport» klýby elimizdiń kók týyn álemdik jáne halyqaralyq arenalarda jelbiretip júrgen úzdik sportshylaryna erekshe qurmet kórsetip, arnaıy syılyqtar tabys etti, dep jazady Egemen.kz.
Klýbtyń negizi qalanǵan kúnge oraı Túrkistan oblysy Shardara qalasyndaǵy sport kesheninde qol kúresinen aýdannyń ashyq birinshiligi ótti. Jarystyń ashylý rásiminde aýdan ákimi, «Shardara armsport» klýbynyń negizin qalaýshy Arman Qarsybaev qatysýshylardy aıtýly kúnmen quttyqtap, qol kúresi jastardy tózimdilikke, tabandylyqqa, otansúıgishtikke tárbıeleıtin mańyzdy sport túri ekenin atap ótti.
Bokstan burynǵy bas bapker Qaırat Sátjanovqa kólik pen páter kilti tabystaldy
Sonymen qatar saltanatty jıynda armrestlıngten jasóspirimder arasynda tórt dúrkin álem chempıony Jasýrbek Mamanııazǵa «Shardara armsport» sportshylary atynan 5 bólmeli turǵyn úıdiń kilti tabystaldy. Osylaısha el namysyn qorǵap, bıik belesterdi baǵyndyrǵan jas chempıonnyń eńbegi baǵalanyp, zor qurmetke bólendi.
Aıta ketelik, chempıonnyń anasy – segiz ul-qyz tárbıelep otyrǵan ardaqty jan. Sportshylar tarapynan jasalǵan bul ıgi isti barsha Shardara jurtshylyǵy qoldap, otbasy qýanyshyna ortaqtasty.