Yqylasty quttyqtaýlar, izgi tilekter

Qazaqstan Prezıdenti Nursultan Nazarbaevtyń atyna memleket, úkimet basshylarynan, halyq­ara­lyq uıym­dar­dyń jetekshilerinen saılaýdaǵy jeńisine baı­la­nysty quttyqtaýlar kelip túsýde Amerıka Qurama Shtattary Nur­sul­tan Nazarbaevty Qazaqstan Res­pýb­­lıkasynyń Prezıdenti laýazy­my­na qaı­ta saılanýy­men quttyq­taı­dy jáne Memleket basshy­sy­men, Qazaqstan hal­qy­men ári qaraı da tolyq aýqymdaǵy strategııalyq árip­­tes­tikti damytý nıeti bar ekenin bildiredi. Biz Sizben jáne Qazaqstan halqymen eki el arasyndaǵy keń aýqymdy strategııalyq áriptestikti odan ári júzege asyrýǵa asy­ǵýly ekenimizdi málimdeımiz. Biz Eýropadaǵy qaýipsizdik jáne yntymaq­tas­tyq uıymy atap kórsetken eldegi jaǵdaıdyń jaqsa­ryp kele jatqany týraly aldyn ala qorytyndysyn qoldaımyz. Qazaqstan Úkimetin EQYU esebinde keltirilgen keıbir kemshilikterdi jedel joıýǵa shaqyramyz. Qazaqstannyń saıası jaǵdaıdy odan ári ońtaılandyrý jónindegi mindettemelerin qýattaımyz jáne saılaý úderisin toqtaýsyz jetildirý eldegi saıası úderisterdiń ómirlik mańyzdy quramdasy bolyp tabylatynyna senim bildiremiz, dep málimdegen AQSh-tyń Qazaqstandaǵy elshiligi.   Memleket basshysy Nursultan Nazar­baev­ty prezıdenttik saılaýdaǵy senimdi je­ńi­simen Eýropadaǵy qaýipsizdik jáne yn­tymaqtastyq jónindegi uıymnyń (EQYU) Bas hatshysy Mark Perren de Brıshambo quttyqtady. Quttyqtaý mátininde bylaı delingen: Joǵary mártebeli, Men Sizdi Qa­zaq­stan Res­pýb­lı­kasynyń Prezıdenti qyz­metine qaıta saılanýyńyzben shyn jú­rekten quttyqtaımyn jáne bul tańdaý Qazaqstan hal­qy­nyń Sizge jáne Sizdiń saıasa­ty­ńyzǵa degen orasan seniminiń aı­ǵaǵy dep sa­naımyn. Sizdiń údemeli ekono­mı­kalyq damyp kele jatqan jas memlekettiń qalyptasýyndaǵy jeke úlesińiz jáne joǵary ha­lyq­aralyq bedelińiz halqy­ńyz­dan laı­­yqty baǵasyn aldy, al Qa­zaq­standy odan ári damytý jolyn­da­ǵy kózqarasyńyz qoldaýǵa ıe boldy. Sizdiń basshylyǵyńyzben saıası jáne áleýmettik-ekonomıkalyq da­mý­ǵa umtylysy jolynda Qazaq­stan­ǵa keleshekte tabystarǵa jetýine tilektestik bildiremin, Qazaq­stan men EQYU arasyndaǵy jemisti ynty­maq­tastyq jalǵasatynyna senemin. Biz Qazaqstan tarabynyń EQYU-ǵa qoldaýyn joǵary ba­ǵalaımyz. Oǵan Sizdiń eldiń ót­ken jyly EQYU-nyń Tóraǵasy retindegi óte tabysty lıderligi dálel bolyp tabylady. Qazaq­stan bizdiń Uıymnyń ómirine ja­ńasha dem jáne onyń jumysyna tyń serpin berdi. Men Qazaqstan alda da EQYU-da belsendi ról atqaratynyna senimdimin.   Memleket basshysy Nursultan Nazarbaevty prezıdenttik saılaýdaǵy senimdi jeńisimen Ispanııa Úkimetiniń Tóraǵasy Hose Lýıs Rodrıges Sapatero quttyqtady. Quttyqtaý mátininde bylaı delingen: Sizdiń Qazaqstan Res­pýblıkasynyń Prezıdenti laýazymyna qaı­ta saılanýyńyzǵa baı­lanysty Sizge úlken qanaǵat­taný­shy­lyq sezimmen ózimniń shyn júrekti quttyq­taýymdy joldaımyn jáne Sizdiń jańa prezıdenttik merzimińiz barysynda zor tabys­tar tileımin. Sondaı-aq Sizge Ispanııa Úkimeti bizdiń elderimiz arasynda or­nyq­qan yntymaqtas­tyq pen dos­tyqtyń tamasha qarym-qaty­nas­ta­ryn tereńdetýdi jal­ǵastyrý nıetinde ekenin aıtqym keledi.     Memleket basshysy Nursultan Nazarbaev­ty prezıdenttik saılaýdaǵy senimdi jeńisimen Estonııa Respýblıkasynyń Prezıdenti Toomas Hendrık Ilves quttyqtady.  Quttyq­taý mátininde bylaı delingen: Joǵary márte­be­li, Sizdiń Qazaqstan Res­pýb­lıkasynyń Prezıdenti qyz­metine qaı­ta saılanýyńyzǵa baı­la­nysty Sizge óz qut­tyq­taýymdy, sondaı-aq Qazaqstan Res­pýb­lı­ka­sy men onyń halqyna shyn nıetti tilegimdi bildirgim keledi. Biz óz elderimizdiń arasynda ornyqqan tamasha eki jaqty qaty­nas­tardy odan ári ny­ǵaı­týǵa ba­ǵyt­talǵan biz­diń birlesken qyzme­ti­mizdi jal­ǵas­tyra beretinimizge se­nemin.   Memleket basshysy Nursultan Nazarbaevty prezıdenttik saılaýdaǵy senimdi jeńisimen Grýzııa Prezıdenti Mıhaıl Saakashvılı quttyqtady. Quttyqtaý mátininde bylaı delingen: Qurmetti Nursultan Ábishuly, Bolyp ótken saılaýda Qazaqstan halqy Sizge taǵy da senim bildire oty­ryp, táýelsiz jáne eko­no­mıkalyq kúshti mem­le­ket­tegi reformalar men de­mokratııalyq damý úshin, sondaı-aq Sizdiń dana basshy­ly­ǵy­ńyzben osy jolda qol jetken aıqyn tabystardy moıyn­dap daýys berdi. Otannyń ıgiligi úshin uzaq jyl­dar boıy rııasyz paıdalanyp kele jat­qan Sizdiń bili­mi­ńiz ben tájirıbeńiz keleshekte de Qazaqstan Respýblıkasynyń gúldenýine arnala­ty­nyna senim bildiremin. Bizdiń halyq­ta­ry­myz ben memleketterimiz arasyndaǵy dás­túr­li dostyq qaty­nas­tar­dy nyǵaıtý isine Sizdiń qosqan ózindik úlesińiz­di biz joǵary baǵa­laımyz.   Memleket basshysy Nursultan Nazar­baevty prezıdenttik saılaýdaǵy jarqyn je­ńi­simen Úndistan Respýblıkasynyń Premer-mınıstri Manmohan Sıngh quttyqtady. Quttyqtaý mátininde bylaı delingen: Joǵary mártebeli, Sizdiń kóregen bas­shy­lyǵyńyz Qazaqstanǵa órkendeý men beıbitshilik alyp keldi. Sizdiń qaıta saılanýyńyz Qazaqstan halqynyń senimin bildirý bolyp tabylady. Sizge aldaǵy jyldary da tabystar tileımin. Ún­distan men Qazaqstan ara­synda tyǵyz jáne dos­tyq qatynastar ornyqqan. Meniń Qazaqstanǵa aldaǵy sa­pa­rym bizdiń strate­gııa­lyq seriktestigimizdi odan ári ny­ǵaıtýǵa jáne ár­ta­rap­tandyrýǵa múm­kin­dik týǵyzyp, bizdiń ha­lyqtary­myzdyń óz­ara tıi­mdi qa­rym-qa­ty­nas­taryn damy­týǵa, óńirdegi beıbitshilik pen tu­­raq­ty­lyq­qa qyz­­met ete­tin bo­lady dep kútemin.   Memleket basshysy Nursultan Nazarbaevty prezıdenttik saılaýdaǵy senimdi jeńisimen Túrik Respýblıkasynyń Prezıdenti Abdýlla Gúl quttyqtady.  Quttyqtaý mátininde bylaı delingen: Joǵary mártebeli Nursultan Ábishuly, Saılaý tynysh jáne erkin jaǵdaıda ótti. Men buǵan óte qýa­ny­sh­tymyn. Qazaqstan hal­qy eń laýazymdy qyz­metke Sizdi saılaý arqyly Sizge degen senimin taǵy da qýattady. Sizdiń dana jáne kóregen saıa­satyńyzdyń arqasynda Qazaq­stan­nyń óńirdiń gúldengen araly retinde bıikke kóterilip, halyq­ara­lyq arena­da­ǵy abyroıynyń kún saıyn artýyna kýá bo­lý­damyz. Bizdiń baýyrlas ha­lyqta­ry­myzdyń ara­syn­daǵy dostyqty ny­ǵaıtýǵa Sizdiń qosqan qundy úlesterińizdiń mańyzy zor. Strategııalyq árip­tes­tik dárejesine kó­te­r­il­gen baılanys­ta­ry­myz­dyń ortaq keleshegine senimimen qaraı­tynymdy bildirgim keledi.   Memleket basshysy Nursultan Nazarbaevty prezıdenttik saılaýdaǵy senimdi jeńisimen Lıtva Respýblıkasynyń Prezıdenti Dalıa Grıbaýskaıte quttyqtady. Quttyqtaý mátininde bylaı delingen: Qurmetti Prezıdent, Sizdi Qazaqstan Prezıdenti saılaýyndaǵy je­ńisińizben quttyq­taı­myn jáne Sizdiń elińiz ben halqyńyz úshin eko­nomıkalyq, saıası jáne ózge salalardaǵy ma­ńyz­dy qyzmetińizdiń jal­ǵasyn tabýyna barynsha tabystar tileımin. Osy jaǵdaıdy paıdalana otyryp, Sizge men qanaǵattaný­shy­lyq­pen qabyl alǵan, bıylǵy jyly Qazaq­stanǵa eki jaqty saparmen kelýge sha­qy­rýy­ńyz úshin rıza­shy­lyǵymdy bildiremin.   Memleket basshysy Nursultan Nazarbaevty prezıdenttik saılaýdaǵy senimdi jeńisimen Ázirbaıjan Respýblıkasynyń Prezıdenti Ilham Álıev quttyqtady. Quttyqtaý mátininde bylaı delingen: Qurmetti Nursultan Ábishuly! Sizdiń saılaýdaǵy je­ńisińiz Qazaqstan hal­­qy­nyń Sizge degen úlken seniminiń, halyq­tyń mem­lekettilik pen tár­tip­ti nyǵaıtýǵa, qoǵam ómi­riniń barlyq salala­ryndaǵy túbe­geı­li qaıta qurýlardy júzege asy­rý­ǵa ba­ǵyt­talǵan bastama­laryńyzǵa  degen qoldaýynyń dá­leli boldy. Ázirbaıjan men Qazaqstandy kóp ǵa­syr­dan beri jalǵasyp kele jatqan dostyq, tatý kórshilestik pen ynty­maq­tastyq  baıla­nys­tyrady. Men osy jaq­sy dástúrlerge negizdelgen bizdiń memle­ketaralyq qarym-qa­tynasymyz tatý hal­qy­myz men elderi­miz­diń ıgiligi úshin bolashaqta da damıdy dep senemin.   Memleket basshysy Nursultan Nazarbaevty prezıdenttik saılaýdaǵy senimdi jeńisimen Koreıa Respýblıkasynyń Prezıdenti Lı Mıon BAK quttyqtady. Quttyqtaý mátininde bylaı delingen: Qurmetti Prezıdent myrza! Koreıa Respýb­lı­ka­sy­­nyń úkime­ti men hal­qy­nyń atynan Qa­zaq­stan Respýblıkasyn pre­zıdenttik saı­laý­dyń ótýi­men quttyq­taımyn. Sizdiń jeńisińiz – Qa­zaq­stan memleketin da­mytýǵa baǵyt­talǵan Sizdiń tamasha saıasa­ty­ńyz­dy halyqtyń qoldaýynyń ná­tı­jesi. Sizdiń jetekshiligińizben Qa­­zaqstanda yrǵaqty ekonomıka­lyq ósim jalǵasatynyna senimdimin. Qazaqstan men Koreıa ara­syn­da­ǵy stra­tegııalyq áriptestikti da­my­týǵa qosyp otyr­ǵan Sizdiń baǵa jetkisiz úlesińiz úshin ózimniń shynaıy rı­za­shyly­ǵymdy bildiremin. Sizdiń saıa­sa­ty­ńyzdyń arqasynda eki el arasyndaǵy dos­tyq qarym-qatynastar bar­lyq salalarda da nyǵaıa túse­tinine shyn máninde senemin. Sizge densaýlyq pen ıgilik, elińizge beıbitshilik pen ty­nyshtyq tileımin.   Memleket basshysy Nursultan Nazarbaev­ty prezıdenttik saılaýdaǵy tamasha jeńisi­men Vetnam Sosıalıstik Respýblıkasynyń Prezıdenti Ngýen Mın Chıet quttyqtady.  Quttyqtaý mátininde bylaı delingen: Men Sizdiń bas­shy­ly­ǵyńyzda Qazaqstan halqy el damýy men onyń halyqaralyq us­ta­nymdary­nyń ar­tý­yn­­da úlken jetistikterge qol jetkizip, aı­maq pen búkil álemdegi beıbitshilik, turaq­ty­lyq pen gúldenýdi saq­taýǵa tıimdi úlesin qosa beredi dep senemin. Men Vetnam men Qazaqstan arasynda jaqsy qa­rym-qatynas damyp otyr­ǵanyna qýanysh­ty­myn. Bul qarym-qa­ty­nastar eki eldiń tilegi men múddesine jaýap bere otyra, nyǵaıyp jáne damı túsedi dep nyq senemin.