Qazaqstan qýanysh qushaǵynda

Jeńisińizben! Jeńisimizben!

Baqbergen AMALBEK – Aqmola oblysynan: «Qazaqstan-2020» jal­py­ulttyq demokratııalyq kúsh­­ter koalısııasynyń, «Nur Otan» HDP bastaýysh uıym­darynyń jetekshileri men belsendileriniń, úkimet­tik emes uıymdardyń, stýdent jáne jumysshy jastar, BAQ ókilderiniń bastamasymen ótkizilgen jeńimpazdar forýmyn oblystyq fılıaldyń jetekshisi Sergeı Dıachenko «Nur Otan» HDP atynan prezıdenttikten úmitker bolyp usynylǵan is ba­syndaǵy Elbasymyzdyń, Ult Kóshbasshysynyń jeńisin kópultty halqymyzdyń ortaq jeńisi dep baǵalady. Sondaı-aq, mártebeli minberge basqa da kóterilgender bolashaqtyń jalaýyna baılanǵan búgingi jeńistiń mańyzdylyǵyn tarata sóıledi. Forým ónerpazdar konsertimen, sporttyq saıys­tar­men jalǵasty. Kúmisjan BAIJAN – Almaty oblysynan: Taldyqorǵandyqtar or­ta­lyq alańǵa jınalyp, aı­qyn basymdyqpen jeńiske jetken Elbasynyń qurmeti­ne aksııa ótkizdi. Ánurannyń júrekti shymyrlatqan sazdy áýenine qosylǵandar «Biz Elbasymen birgemiz!», «El tilegi – Nursultan, elim me­niń – Qazaqstan», degen jalyndy sózder jazylǵan kórnekilik, jalaýsha jáne gúlmen órilgen sharlar ustaǵandar alańǵa jınaldy. Aksııada jastar asa belsendilikpen urandap, tipti sazdy áýenge qosylyp, áýeletti. Osy toptyń orta­syn­daǵy oblys ákimi Serik Úmbetov bastaǵan uıym, mekeme basshylary men etnomádenı birlestik ókilderiniń de júzderi jarqyn edi. Joldasbek ShО́PEǴUL – Atyraý oblysynan: Nursultan Nazarbaevtyń Qazaqstan Prezıdenti bolyp saılanýyna oraı Atyraý qa­la­syndaǵy «Isataı-Mahambet» alańynda ótken jeńim­paz­dar forýmyna 10 000 adam jınaldy. Forýmda ob­lys­tyq máslıhat hatshysy Jalǵas Dúısenǵalıev sóz sóıledi. Sondaı-aq, oblystyq ardagerler keńesiniń tóraǵasy Qatımolla Rızýanov, munaıshylar atynan sóz alǵan Atyraý munaı óńdeý zaýytynyń operatory Alfııa Gýmerova el basshylyǵy Nursultan Ábishulyndaı erik-jigeri kúshti saıasatker, myqty, laıyqty azamatqa berilýi zańdy, dep tolqı sóıledi. Forýmda bulardan bólek etnos ókilderi, dárigerler, sport sheberleri de sóz aldy. Al óner sheberleri jurtshylyqtyń kóńilin «Qara jorǵa» bıimen kóterip, ánshiler áýezdi ánimen áldıledi. Kósemáli SÁTTIBAIULY – Jambyl oblysynan: «Nur Otan» HDP oblys­tyq fılıaly «Dostyq» ala­ńynda óz úmitkeri N.Na­zarbaevtyń jeńisi qurmetine «Biz jeńdik!» degen atpen saltanatty jıyn ótkizdi. Oǵan oblys ortalyǵyn­daǵy joǵary oqý oryndarynyń stýdentteri, professorlary, bas­qarma, departament basshy­lary men qyzmetkerleri jáne qala jurtshylyǵy qatysty. Jıynda «Nur Otan» HDP oblystyq fılıaly tóraǵasynyń birinshi oryn­basary M.Berik, Memlekettik syılyqtyń laýreaty, professor, akademık M.Úrkimbaev, «Dnepro» ýkraın etno­mádenı birlestiginiń tóraǵasy F.Klımenko elektoratty laıyqty tańdaýymen quttyqtady. О́nerpazdar salta­natty jıynǵa kelgenderge ásem án men tátti kúıden shashý shashty. Aıqyn NESIPBAI – Qaraǵandy oblysynan: Barsha qazaqstandyqtar sııaqty qaraǵandylyqtar da 3 sáýirdegi prezıdenttik saılaýda Nursultan Nazar­baevtyń jeńiske jetýin úlken órleý ústindegi kóńil-kúımen qarsy aldy. «Jastar» sport keshenine oblys jurtshylyǵy aty­nan jı­nal­ǵan 6 myńǵa jýyq ár jastaǵy azamat osy oqıǵaǵa oraı ortaq qýanyshtaryn bildirdi. N.Á.Nazarbaev jeńisine arnalǵan forýmdy oblys ákimi Serik Ahmetov ashty. О́ńirge tanymal ózge adamdar da kópshilikti bul tamasha jeńispen quttyqtady. Názıra JÁRIMBETOVA – Qostanaı oblysynan: Qostanaıdaǵy sport sa­raı­ynda  Nursultan Nazar­baev­tyń  barlyq senimdi ókil­­deri jáne «Qazaqstan 2020» jalpyulttyq demo­kra­tııalyq kúshter koalısııa­sy oblys­tyq músheleriniń qa­tysýy­men jeńimpazdar fo­rýmy ótti. Forýmda shy­ǵyp sóıle­genderdiń arasynda Esjanovtar otbasy kóptiń nazaryn erekshe aýdardy. Aqlıma Esjanova ájeıden órgen 8 bala, 22 nemere jáne 5 shóbereden osy saılaýǵa 31 jan qatysypty. Olardyń barlyǵy da Nursultan Nazarbaevqa daýys bergen. Taǵy bir qyzyǵy,  Esjanovtardyń altaýy saılaýǵa birinshi ret qatysty. Olarǵa forýmda  qurmet-qoshemet kórsetildi. Erjan BAITILES – Qyzylorda oblysynan: Qyzylordada Qazaqstan Respýblıkasynyń kezekten tys prezıdenttik saılaýyn­da Nursultan Nazarbaevtyń je­ńis­­ke jetýine baılanysty «Biz jeńdik!» atty aksııa ótti. Ony Qazaqstan Res­pýblıka­synyń prezıdenttigine kandıdat Nursultan Nazar­baevtyń oblystyq qoǵamdyq shtaby uıymdastyrdy. Bul jıynǵa jınalǵan eki myńǵa jýyq qyzylordalyqty «Nur Otan» HDP oblystyq fılıalynyń tóraǵasy, oblystyq más­lıhat hatshysy Nurlan Qudaıbergenov, oblystyq ardagerler keńesiniń tóraǵasy Seıilbek Shaýhamanov, «Koreıler assosıasııasy Qyzylorda fılıaly» qoǵamdyq birles­tiginiń jetekshisi Elena Kım, t.b. quttyqtady. Jolaman BOShALAQ – Mańǵystaý oblysynan: Aqtaý qalasynyń «Astana» alańynda Ult Kósh­bas­shysyn qoldaýshylardyń fo­rýmy ótti. Sharany «Nur Otan» HDP Mańǵystaý ob­lys­tyq fılıaly uıym­das­tyrdy. Oǵan prezıdenttikke kandıdat N.Nazarbaevtyń senimdi ókilderi, ardagerler, qoǵamdyq jáne úkimettik emes uıymdar men kásiporyn, mekeme ókilderi, stýdent-jastar belsene qatysty. Onda oblys ákimi Q.Kósherbaev sóz sóıledi.  Ol saılaý nátıjesi Elbasynyń halqy úshin eren eńbegi berilgen joǵary baǵa ekendigin jetkizdi. Forým Qazaqstan halqynyń birliginiń úlken jeńisi, táýelsizdik tuǵyrynyń bekı túskendiginiń merekesi boldy. Temir QUSAIYN – Batys Qazaqstan oblysynan: Batysqazaqstandyqtar Nursultan Nazarbaevtyń kezekten tys prezıdenttik saı­laýdaǵy jeńisin keńinen atap ótti. Jeńimpazdar forýmyn «Nur Otan» HDP-nyń ob­lys­tyq fılıaly uıymdastyrdy. – Bul jeńis qazaqstandyq qoǵamnyń jumylǵan judyryqtaı birligin taǵy bir dáleldep berdi, –dedi forýmnyń ashylý rásimi kezinde fılıal tóraǵasynyń birinshi orynbasary Kenjebaı Nyǵmet. Sondaı-aq, forýmda óz kandıdattarynyń jeńisine senimdi ókilder, oblystyq assambleıa músheleri, «Jas Otan» jastar qanatynyń músheleri ortaqtasty. Qýanyshty bólisse, kóbeıedi degen osy da. Dáýlet SEISENULY – Semeıden: N.Á.Nazarbaevtyń kan­dı­datýrasyn qoldaý maq­sa­tymen qurylǵan qoǵamdyq shtabtyń uıymdastyrýymen jeńimpazdar forýmy ót­ki­zildi. Myńdaǵan adam qatys­qan bul forýmdy qalalyq máslıhattyń hatshysy Qaı­rat Mırashev qysqasha sóz sóılep asha kelip, semeılikterdi kezekti saılaýdaǵy zor jeńisterimen qyzý quttyqtady. Forýmda sóz alǵan «Nur Otan» HDP qalalyq bólimshesi tóraǵasynyń orynbasary Zýlfııa Jamaletdınova, jastar ókili, stýdent Tahıra Kamaljanova, óńirlik zeınetaqy qorynyń tóraıymy Darıǵa Daıyrova jáne taǵy basqalar Elbasynyń jeńisi barsha qazaq­standyqtardyń ortaq jeńisi ekendigin tilge tıek etti. Farıda BYQAI – Pavlodar oblysynan: Oblys ortalyǵynda «Nur Otan» HDP-dan usy­nylǵan úmitkerdiń jeńisine merekelik sharalar bolyp ótti. Shyǵarmashylyq ıntellıgensııa men jastar uıymdarynyń ókilderi, zaý­yt, iri óndiris oryndarynyń jumysshylary, bıýdjettik jáne qoǵamdyq birlestikterdiń qyzmetkerleri bar 10 myńdaı adam osy saltanatqa bir kisideı atsalysty. Qaıta saılanǵan el Prezıdentin qoldaý sharasyna «Nur Otan» HDP oblystyq fılıalynyń tóraǵasy Baqytjan Saǵyntaev qatysyp, sóz sóıledi. Saltanatty sharanyń sońy úlken merekelik shashýǵa ulasty. О́mir ESQALI  – Soltústik Qazaqstan oblysynan: Soltústikqazaqstandyq jastar da Elbasy Nursultan Nazarbaevtyń saıası jeńisin jer-jerlerde úlken belsendilikpen atap ótti. Sondaı sherýlerdiń birin «Jas Otan» jastar qanaty men Stýdentter alıansy oblys ortalyǵynda uıymdastyrdy. N.Pogodın atyndaǵy orys drama teatry aldyna jınalǵan bes myńǵa jýyq stýdent-jastardyń únderi jarqyn estilip, transparanttar kótergen kúıi ortalyq kóshelermen júrip ótti. Sóıtip, ózderiniń Memleket basshysyna degen berik senimderin taǵy bir pash etti.