QR Parlamenti Májilisiniń depýtaty, Olımpıada chempıony Serik Sápıev dopıng úshin qylmystyq jaýapkershilikti engizý týraly usynystarǵa asyqpaýǵa shaqyrdy, dep habarlaıdy QazAqparat.
«Dopıng úshin qylmystyq jaýapkershilik – ol aýyr másele. Jeńis úshin 250 myń dollar kóleminde syıaqy alasyń, sonymen qatar bapkerdiń de eńbegi yntalandyrylady. Keıinnen eki jyldan soń senen dopıng anyqtalsa, altyn medalińdi tartyp alady. О́z kezegińde bul merzim ishinde sen barlyq aqshany jumsap qoıatynyń anyq. Shyn máninde, bul rette memlekettik bıýdjettiń qarjysyn jumsaǵanyńdy túsinesiń. Iаǵnı, eki jyl buryn tanymaldylyqqa ıe bolyp, batyr deńgeıinde qabyldanyp júrdiń. Al bul jerde endi adamdy qamaýǵa otyrǵyzý kerektigi kóterilip otyr. Bul máseleni talqylaý kerek»,-dedi Sápıev Májilistegi jalpy otyrystan keıin.
Aıta keteıik, QR Mádenıet jáne sport mınıstrligi dopıng úshin jaýapkershilikti sportshymen qatar, osy úderiske qatysy bar barlyq komandaǵa qylmystyq jaýapkershilik engizýdi qarastyryp otyr.