Búgin elimizdiń basym bóliginde atmosferalyq aǵymdardyń ótýine baılanysty jaýyn-shashyndy, qubylmaly aýa raıy saqtalady, jekelegen aýdandarynda qatty jaýyn-shashyn kútiledi, tek respýblıkanyń batys bóliginde aýa raıy jaýyn-shashynsyz bolady. Keı jerlerde tuman, kóktaıǵaq, jaıaý burqasyn, jeldiń kúsheıýi kútiledi, dep habarlaıdy Qazgıdromet.
Almaty oblysynyń keı jerlerinde túnde tuman kútiledi, Jalańashkól aýdanynda jel jyldamdyǵy 23-28 m/s kúsheıedi.
Jambyl, Ońtústik Qazaqstan oblystarynyń keı jerlerinde tuman kóktaıǵaq bolady, jel kúsheıýi 15-20 m/s kútiledi, Shyǵys Qazaqstan oblysynyń keı jerlerinde jaıaý burqasyn bolady.
Qyzylorda, Aqtóbe, Qostanaı, Pavlodar, túnde jáne tańerteń Soltústik Qazaqstan, Qaraǵandy, Aqmola oblystarynyń keı jerlerinde tuman kútiledi.
Atyraý, Batys Qazaqstan oblystarynyń keı jerlerinde tuman bolyp, jel 15-20 m/s kúsheıedi, Atyraý oblysynyń keı jerlerinde kóktaıǵaq bolady.