Qazaqstan jan-jaqty damyp keledi

Prezıdent Nursultan Nazarbaevtyń bastamasymen qolǵa alynǵan konstıtýsııa­lyq reformalar meniń tańdany­symdy týdyrdy. Bılik tarmaq­tary arasynda basqarý ókilettik­terin qaıta bólý, prezıdenttik bir­qatar ókilettikterdi Parlament pen Úkimetke berý syndy ózgeris­ter Qazaqstannyń saıası júıesin demo­kratııalandyrýǵa zor yqpalyn tıgizetini anyq. Nursultan Nazarbaev – búgingi Qazaqstannyń arhıtektory. Pre­zıdenttiń halyqqa arnaǵan Jol­daýyn Qazaqstandy jarqyn bolashaqqa bas­tasam degen izgi nıetiniń kórinisi dep bilemin. Bilim berý salasyna erekshe kóńil bólgen Qazaqstan Ortalyq Azııa memleketteriniń arasynda Bolon konvensııasyna birinshi bolyp qosylyp, Eýropa bilim berý keńistiginiń 47-shi múshesine aınaldy. Bul ult­tyq baǵdarlamalardy eýro­palyq standarttarǵa tolyqtaı sáıkestendirýge, bilik­tilik pen ǵylymı dárejeler­diń halyq­aralyq deńgeıde moıynda­lýyn qamtamasyz etýge, Eýropanyń beldi bilim ordalarymen bilim berý baǵdarlamalaryn almasýdy jolǵa qoıýǵa, qazaqstandyq stýdentterdi tanymal ýnıversıtetterde oqytýǵa múmkindik týǵyzdy. Taǵy bir atap óterligi, Qazaqstan bala­maly energetıkaǵa ınvestısııa salýdyń arqasynda energetıka­lyq resýrstardy ártaraptandyrýǵa múddeli ekendigin aıqyn tanytty. Osylaısha, Qazaqstannyń 2050 jylǵa qaraı jańǵyrmaly qýat kózderinen alynatyn energııanyń úlesin asa joǵary kórsetkishke jetkizýge degen qulshynysyn qýana quptaǵan jón. Bıyl Astanada ótetin EKSPO-2017 halyqaralyq mamandandyrylǵan kórmesiniń taqyryby da álemdik deńgeıde ózekti ekenin atap ótý kerek. 25 jyl ishinde Qazaqstan Táýel­siz memleket retinde jan-jaqty da­mydy, ekonomıkalyq ósim­niń joǵa­ry kórsetkishine qol jetkizdi. Ta­bıǵı resýrstardan túsken tabys­tyń bir bóligin halyqtyń ál-aýqatyn, bilim berý, densaýlyq saqtaý salalaryn jaqsartýǵa, taǵy bir bóligin ónerkásiptiń óńdeýshi sektoryna, energetıka, kólik, ınfra­qury­lym, aýyl sharýashylyǵy salalaryn, turǵyn úı-kommýnaldyq sharýa­shylyq salasyn jetildirýge jumsady. Qazaqstan Prezıdentiniń bastamasymen júrgizilgen tabıǵı resýrstardan túsken tabysty Ulttyq qorǵa shoǵyrlandyrý jónindegi strategııa bolashaq urpaq úshin uzaq merzimdi ınvestısııa jáne turaqty damýǵa kepildik beretin bolady. Djek DILLON, Delft tehnologııalyq ýnıversıtetiniń qurmetti professory (Nıderland)