Árbir usynystyń ózindik orny bar

Elbasy N.Nazarbaev Mem­le­­ket­tik bılik tarmaqtary arasyn­­­daǵy ókilettikterdi qaıta bólý jónin­de qurylǵan jumys tobymen onyń qorytyndy otyrysyn ótkizdi, kons­tıtýsııalyq reformalar boıynsha halyq tarapynan túsip jatqan usynystarmen tanysty. El azamattarynan konstıtýsııa­nyń 63 babyna qatysty 6 myńǵa tarta usynys túskeni belgili boldy. Bul usynystyń artynda qoǵamnyń pikiri tur. Árbir usy­nystyń ózi mańyzdy. Onyń bar­lyǵyn júıeleý, zańnamalyq tur­ǵyda zerdeleý – úlken jumys. Konstıtýsııa degenimizdiń ózin qoǵamnyń birlese otyryp qabyl­daıtyn ortaq kelisimsharty dep túsiný kerek. Elbasymyzdyń kons­tı­tý­sııalyq konsensýs týraly aıt­qany óte oryndy. Ata Zańy­myzǵa qatysty aıtylǵan usy­nys­tar qara­paıym azamattar tarapy­nan da, bilikti sarapshylar tara­pynan da tal­qylanýda. Talqy­laý­larǵa eli­mizdiń barlyq óńiri atsalysty. Jalpy, birqatar bap boıynsha saıa­satkerler emes, zańgerler qaýymy kóp pikir bildirgenin baıqadym. Zańgerlerdiń de pikirleri ártúrli. О́z basym halyqaralyq sharttardy, basqa memleketterdiń tájirıbesin sholyp shyqtym. Qazaqstan tarapy­­nan halyqaralyq 50 shart qabyl­daǵanbyz. Halyqaralyq shart­tar bizdiń zańdarymyzdan jo­ǵary deńgeıde turady, alaıda, Kon­s­tı­týsııanyń mártebesi barlyǵynan da bıik. Zańgerler mańyzdy degen usynystar boıynsha áli de jumys júrgizip, ózara talqylap, óz oı-paıymdaryn aıtýǵa tıis. Jalpy, konstıtýsııalyq refor­malarǵa qatysty usynystardy talqylaýǵa búkil qoǵam atsalys­ty. Ekinshiden, talqylaý kezinde zamanaýı ınternet tehnologııalar paıdalanyldy. Halyqtyń ulttyq sana-sezimi, qoǵamnyń deńgeıi aıtarlyqtaı óskeni baıqaldy. Marat BÁShIMOV, zań ǵylymdarynyń doktory, professor