Bul – oń ózgerister baǵdarlamasy

Bılik tarmaqtary arasynda ókilettikterdi qaıta bólý jónindegi atqarylyp jatqan jumys elimizdegi jalpy saıası reformalardyń bir bóligi retinde qarastyrylýy tıis. Qazaqstan buǵan deıin «aldymen – ekonomıka, sodan keıin – saıasat» degen qaǵadat­ty negizge alyp keldi. Eli­miz­diń bul baǵytty ustanýy­na táýelsizdik tańyndaǵy ekonomıkamyzdyń múshkil hali basty sebep boldy desek, qatelespespiz. Shırek ǵasyr óte kele, elimizdiń bu­ǵa­na­sy qatyp, damydy. Qazaqstan naq­­ty jetistikterge qol jetkizdi. Degen­men, elimizdiń aldyn­da ozyq memle­­ket­te­r­diń qatary­na qosylý mindeti tur. Qazaq­stannyń odan ári damýyna, sapaly ósýine jańa shabyt, jańa serpilis qajet ekeni anyq. Sondyqtan saıası refor­malardy júrgizý baǵytyndaǵy bastama ýaqtyly kóterilip otyr. Bılik tarmaqtary ara­synda ókilet­tikterdi qaıta bólýdiń uzaq merzimdegi basty nátıjesi: qýatty Parlament, jaýap­ty atqarýshy bılik jáne táýel­siz sot júıesiniń paıda bolýy. Bul – tek jahan­dyq úrdiske ilesý ǵana emes, sonymen birge, Qazaqstan­nyń turaqty­ly­­ǵyna, keleshek órken­deýine tike­leı áser ete­tin oń ózgerister baǵdar­lamasy. Al bul reformalar des­tesiniń kele­shegine toqtala­tyn bolsaq, meniń oıymsha, saıası reformanyń kel­e­si kezeń­derinde sot júıesiniń táýel­siz­digi men jergilikti bı­liktiń, ıaǵnı ákim­dik­ter men máslıhattardyń ókilet­tik­­terin art­tyrýǵa aıryqsha kóńil bólin­se, elimizdiń turaq­ty damýyna aıtar­lyqtaı jaǵymdy áser týdyrar edi. Janbolat ÚSENOV, Eýrazııalyq keńestiń halyqaralyq qatynastar jónindegi dırektory