Uıymmen ózara is-qımyldyń ózekti máseleleri talqylandy

Parlamentte Senat Tóraǵasy Qasym-Jomart Toqaev BUU Bas hatshysynyń saıası máseleler jónindegi kómekshisi Mıroslav Enchany qabyldady. Kezdesý aıasynda Qazaqstan men BUU-nyń ózara is-qımylynyń ózekti máseleleri talqylandy. Bıyl Qazaqstannyń Birikken Ult­tar Uıymyna múshelikke qabyl­danǵanyna 25 jyl toldy. Osyǵan oraı uıymdastyrylǵan sharada Q.Toqaev Qazaqstannyń táýelsiz memleket retinde qalyptasýy men damýyn­daǵy jahandyq uıym­nyń mańyzdy rólin atap ótip, kons­tı­tý­sııalyq reformalarǵa qatys­ty jańa túzetýler Qazaqstan memle­keti­niń demokratııalyq, zaıyrly, quqyq­tyq jáne áleýmettik negizderin bekitetini týraly pikirin bildirdi. «Reforma bılik tarmaqtary arasyndaǵy ókilettikterdi qaıta bólýdi ǵana emes, táýelsizdiktiń myzǵy­mastyǵy men Qazaqstannyń Tuń­ǵysh Prezıdenti negizin qalaǵan basty qaǵıdalar jónindegi ereje­lerdi de qamtıdy», dedi Q.Toqaev. Sondaı-aq, ekeýara áńgime ba­rysynda Tóraǵa Qazaqstandaǵy Adam quqyqtary jónindegi ýákildiń mártebesi men jaýapkershiligi kúsheıe túsetinine, óıtkeni, ol laýazymǵa Prezıdenttiń usynýy bo­ıynsha Senat saılaıtynyna jáne jumystan bosatatynyna nazar aýdardy. Kezdesýde taraptar Qazaq­stan­nyń BUU Qaýipsizdik Keńesine múshe bolǵan kezdegi Ortalyq A­zııa­daǵy jaǵdaı týraly da pikir al­mas­ty. Senat Tóraǵasy aımaqtyq qaýip­sizdik pen yntymaqtastyqty nyǵaı­tý Prezıdent N.Nazarbaevtyń Qaýip­sizdik Keńesine arna­ǵan Ún­deýin­degi negizgi basymdyq­tardyń biri ekenine toqtaldy. Q.Toqaev Qa­zaq­stan BUU qurylymdarymen, onyń ishinde Ortalyq Azııaǵa ar­nal­­ǵan Preventıvti dıploma­tııa jónindegi aımaqtyq ortalyq­pen ty­ǵyz jáne nátıjeli yntymaq­tas­­tyq­qa senim artatynyn atap kórsetti. Aıta keteıik, kezdesýge osy Aı­maq­tyq ortalyqtyń basshysy, Bas hatshynyń Arnaýly ókili Petko Draganov ta qatysty. Nurlybek DOSYBAI, «Egemen Qazaqstan»