Merki aýdanynyń prokýratýrasy №9 kolledjde kámeletke tolmaǵandardyń quqyqtarynyń saqtalýyna taldaý júrgizip, birqatar zańbuzýshylyqty anyqtady, dep habarlaıdy Egemen.kz.
Tekserý barysynda ata-anasynyń qamqorlyǵynsyz qalǵan 11 balaǵa tıesili áleýmettik járdemaqylar tolyq tólenbegeni belgili boldy. Sonymen qatar olardy uıym qarajaty esebinen saýyqtyrý oryndary men lagerlerge tegin jiberý máselesi de qaralmaǵan.
Prokýrorlyq qadaǵalaý sharalarynyń nátıjesinde oqýshylarǵa tıesili barlyq áleýmettik tólemder tolyq kólemde berildi.
Bazadaǵy qatelik: Abaı oblysynda jetim balany baspanasyz qaldyrdy
Budan bólek, balalardy jazǵy eńbek lagerleri men sanatorıı-kýrorttyq mekemelerge joldamamen qamtý jumystary qolǵa alyndy.
Atalǵan zańbuzýshylyqtarǵa jol bergen jaýapty tulǵalar tártiptik jaýapkershilikke tartyldy.