Jyljymaly medısınalyq keshen jolǵa shyqty

Elbasy Nursultan Nazarbaev Qazaqstan halqyna arna­ǵan bıylǵy Joldaýynda «Aýyl turǵyndary úshin medısına­lyq kómektiń qoljetimdiligin keńeıtýge aıryqsha nazar aýdarý qajet» dep atap kórsetken-di. Ár sózimen irgeli isterge iz ashatyn Memleket basshysy­nyń bul tapsyrmasynyń is júzinde oryndalýynyń naqty nátıjesi de kórine bastady. Jaqynda oblys osy mindetterdi oryndaýǵa múmkindik beretin alǵashqy jyljymaly me­dısınalyq keshenge qol jetkizdi. Shymkent qalasyndaǵy «Qaz­medqural» JShS shyǵar­ǵan bul keshenge respýb­lı­ka­lyq bıýdjetten 86 mln. teńge jumsaldy. Mundaǵy hırýr­gııa­lyq, gınekolo­gııalyq, rentgen, tis aýrýlary, kardıologııalyq, ÝZI, jalpy qabyldaý bólme­le­ri men zerthana osy zaman­ǵy medısınalyq qon­dyrǵy­lar­men jaraqtan­dy­ryl­ǵan. Otandyq biregeı jyljymaly medısınalyq keshenniń ıgiligin birinshi bolyp Qobda aýdanynyń turǵyndary kóretin boldy. Onyń da reti bar. Bul kezindegi eki aýdannyń izinen qurylǵan aýma­ǵy úlken ákimdik qurylym. Keshen quramynda oblystyq keńes berý-dıagnostıka ortalyǵynyń on eki bilikti dárigerleri aýyl turǵyn­daryn qabyldaıdy. Olar aýdan­nyń kóptegen eldi mekenderinde bolyp, 11 myńnan astam aýyl­dyq­tarǵa medısınalyq qyzmet kórsetedi. Keshen qosymsha «Aq­tóberentgen» zaýytynda avtokó­lik­ke ornatylyp jasalǵan jyl­jymaly mamografııa, flıýrografııamen jabdyqtaldy. Jyljy­ma­ly medısınalyq keshendi Qob­da aýdanyna attandyryp turǵan oblystyq densaýlyq saqtaý basqarmasynyń bastyǵy Qaırat Sabyr mundaı qyzmettiń aýrýdy tez anyqtaýǵa, aldyn alýǵa medısınalyq kómek pen keńes berý sapasyn arttyrýǵa alǵy­shart jasaıtynyn jetkizdi. – Elbasy bıylǵy Jol­daý­ynda «Jumylǵysh medısınalyq keshender – avtoklınıkalar sanyn 50 birlikke deıin jetkizý kerek» degen bo­latyn. Qazir qoly­myz­ǵa tıip otyr­ǵan keshen osy tap­syr­manyń naq­­ty oryn­dalýy­nyń jemisi. Osyn­­­daı qadam­dar­dyń nátı­je­sinde sa­paly medı­sınalyq qyz­­met­­tiń qoljetimdiligin qamta­ma­syz etýge ábden bolady, – deıdi ol. Onyń aıtýynsha, bıyl taǵy da osyndaı eki keshen alynatyn kórinedi. Olardy Hromtaý jáne Muǵaljar aýdandaryna bólý qaras­tyrylypty. Jalpy, oblys hal­qy­na qoljetimdi, sapaly medı­sı­nalyq qyzmet kórsetý úshin osyndaı alty jyljymaly me­dısınalyq keshen qajet eken. Olardyń qalǵandary da taıaý ýa­qytta alynatyn bolady. Jyl­jymaly medısınalyq keshen jumysy jalǵasa beredi. Satybaldy SÁÝIRBAI. Aqtóbe oblysy.