Qazaqstan Respýblıkasy Prezıdentiniń Jarlyǵy

«Qazaqstan Respýblıkasynyń Konstıtýsııasyna ózgerister men tolyqtyrýlar engizý týraly» 2017 jylǵy 10 naýryzdaǵy Qazaqstan Respýblıkasynyń Zańyn iske asyrý jónindegi sharalar kesheni týraly

«Qazaqstan Respýblıkasynyń Kons­tıtýsııasyna ózgerister men tolyq­tyrýlar engizý týraly» 2017 jylǵy 10 naýryzdaǵy Qazaqstan Respýblıkasynyń Zańyn iske asyrý maqsatynda qaýly etemin: 1. Barlyq deńgeıdegi ortalyq já­ne jergilikti memlekettik organdar, jer­gilikti ózin-ózi basqarý organdary Par­lamenttiń, Úkimettiń jáne ózge de mem­lekettik organdardyń ókilettikteri men jaýapkershiliginiń kólemin keńeıtý jaǵdaıynda memlekettik apparattyń úzdiksiz jumys isteýin qamtamasyz etý boıynsha barlyq qajetti sharalardy qabyldasyn. 2. Qazaqstan Respýblıkasynyń Par­lamentine «Qazaqstan Respýblıkasynyń Konstıtýsııasyna ózgerister men tolyq­tyrýlar engizý týraly» 2017 jylǵy 10 naýryzdaǵy Qazaqstan Respýblıkasy Zańynyń (budan ári – Zań) talaptaryna sáıkes Parlamenttiń jáne onyń Palatalarynyń qyzmetin qamtamasyz etetin sharalardy qabyldaý usynylsyn. 3. Qazaqstan Respýblıkasynyń Úki­meti ortalyq jáne jergilikti atqa­rýshy organdardyń ókilettikterdiń qosym­sha kólemimen jumysqa fýnksıo­nal­dyq daıyndyǵyna taldaý men baǵa­laýdy jedel júrgizsin jáne atqarý­shy organdardyń jańa uıymdyq-quqyq­tyq jaǵdaılarda tıimdi jumys isteýin qam­tamasyz etetin sharalardy qabyldasyn. Bul jumystyń qorytyndylary týraly Qazaqstan Respýblıkasynyń Prezıdentine baıandasyn. 4. Qazaqstan Respýblıkasy Prezı­dentiniń zań shyǵarý bastamasy tárti­bimen Qazaqstan Respýblıkasy Parla­menti Májilisiniń qaraýyna mynalar engiziledi dep aıqyndalsyn: 1) «Qazaqstan Respýblıkasynyń Pre­zıdenti týraly», «Qazaqstan Respýb­lıkasynyń Tuńǵysh Prezıdenti – Elbasy týraly», «Qazaqstan Respýblıkasynyń Parlamenti jáne onyń depýtattarynyń mártebesi týraly», «Qazaqstan Respýb­lı­kasynyń Úkimeti týraly», «Qazaq­stan Respýblıkasynyń Konstıtý­sııalyq Keńesi týraly», «Qazaqstan Respýb­lıkasynyń sot júıesi men sýdıa­larynyń mártebesi týraly», «Qazaqstan Respýblıkasyndaǵy saılaý týraly», «Respýblıkalyq referendým týraly» konstıtýsııalyq zańdardy Zańǵa sáıkes keltirýdi kózdeıtin Konstıtýsııalyq zańnyń jobasy; 2) «Prokýratýra týraly» jańa Qa­zaqstan Respýblıkasy Zańynyń jobasy. 5. Qazaqstan Respýblıkasy Prezı­dentiniń Ákimshiligi múddeli memlekettik organdarmen birlesip: 1) osy Jarlyqtyń 4-tarmaǵynda kózdelgen zańnamalyq aktiler jobalaryn ázirleýdi jáne Qazaqstan Respýblıkasy Prezıdentiniń qaraýyna engizýdi qamtamasyz etsin; 2) Qazaqstan Respýblıkasy Prezı­dentiniń qoldanystaǵy aktilerin Zańǵa sáıkes keltirý jónindegi sharalardy qabyldasyn. 6. Qazaqstan Respýblıkasynyń Úkimeti eki aı merzimde: 1) ózge de zańnamalyq aktilerdi Zańǵa sáıkes keltirýdi qamtamasyz etetin sharalar qabyldasyn; 2) Úkimettiń, ortalyq jáne jergilikti atqarýshy organdardyń, sondaı-aq máslıhattardyń aktilerine revızııa júrgizýdi jáne olardy Zańǵa sáıkes keltirýdi qamtamasyz etsin. 7. Qazaqstan Respýblıkasynyń Konstıtýsııalyq Keńesi, Joǵarǵy So­ty, Ortalyq saılaý komıssııasy, son­daı-aq Qazaqstan Respýblıkasynyń Pre­zıdentine tikeleı baǵynatyn jáne esep beretin memlekettik organdar ózderi qabyldaǵan normatıvtik-quqyqtyq aktilerdi qaıta qaraý jáne Zańǵa sáıkes keltirý jónindegi sharalardy qabyldasyn. 8. Qazaqstan Respýblıkasynyń Syrtqy ister mınıstrligi Qazaqstannyń sheteldik jáne halyqaralyq áriptesterine konstıtýsııalyq reformaǵa sáıkes eldiń memlekettik qurylymynda bolǵan ózgeristerdiń máni men mazmuny týraly aqparatty jetkizýdi qamtamasyz etsin. 9. Qazaqstan Respýblıkasy Prezı­den­tiniń Ákimshiligi jáne Qazaqstan Respýb­lıkasynyń Úkimeti osy Jarlyqty iske asyrý jónindegi ózge de sharalardy qabyldasyn. 10. Osy Jarlyqtyń oryndalýyn baqylaý Qazaqstan Respýblıkasy Pre­zıdentiniń Ákimshiligine júktelsin. 11. Osy Jarlyq qol qoıylǵan kúninen bastap qoldanysqa engiziledi. Qazaqstan Respýblıkasynyń Prezıdenti N.NAZARBAEV Astana, Aqorda, 2017 jylǵy 13 naýryz №437