Seıdaǵańnyń spartakıadasy

Osy jyldan bastap Týrızm jáne sport mınıstrliginiń Sport isteri jónindegi komıteti 14-19 maýsym kúnderi Shymkentte BAQ ókilderi arasynda kórnekti jazýshy Seıdahmet Berdiqulovty eske alýǵa arnalǵan res­pýblıkalyq spartakıada ótkizetin­digin habar­laıdy. Buryn Almatyda ótkizilip kelgen bul spar­takıadanyń maqsaty – Qazaqstan Respýblıkasy Prezıdenti N.Á.Nazarbaevtyń Qazaqstan halqyna Joldaýyn iske asyrý, elimizde buqaralyq aqparat quraldary arasynda buqaralyq sportty damytý, salamatty ómir salty men sportty halyq ara­synda nasıhattap, spartakıada arqyly eń úzdik óner kórsetken BAQ komandalarynyń ókilderin anyqtaý. Spartakıada eki kezeń boıynsha ótedi. Birinshi kezeńde, respýblıkalyq jáne oblystyq buqaralyq aqparat quraldarynyń ujymdary arasynda irikteý jarystary ótkiziledi. Ol jarystardy res­pýblıkalyq BAQ pen jergilikti týrızm, dene tár­bıesi jáne sport basqarmalary ózderi uıym­das­tyrady. Spartakıadanyń birinshi kezeńiniń baǵdar­la­masyna fınaldyq kezdesýde bolatyn sport túrleri kiredi. О́ńirlik spartakıadaǵa aýdandar men qalalardyń qurama komandalary qatysa alady. Osy kezeń bitken soń respýblıkalyq buqaralyq aqparat quraldarynyń ujymdary men jergilikti týrızm, dene tárbıesi jáne sport basqarmasy jarystyń qorytyndysyn mınıstrliktiń Sport isteri jónindegi komıtetine usynady. Materıaldar myna telefon jáne faks arqyly qabyldanady. 8 (7172) 75 31 49, 75 35 19 nemese olardy nur-78@bk.ru elektrondy poshtasyna jiberýge bolady. Spartakıadanyń ekinshi kezeńiniń jarystaryna birinshi kezeńde irikteýden ótken respýblıkalyq BAQ, oblystar men Astana jáne Almaty qala­lary­nyń qurama komandalary qatysa alady. Ja­rystarǵa keminde 1 jyl ótili bar menshiktiń bar­lyq túrindegi buqaralyq aqparat quraldarynyń qyzmetkerleri jiberiledi. Birinshi kezeńdegi ja­rystarǵa oblystyq, Astana jáne Almaty qalasy týrızm, dene tárbıesi jáne sport basqarmalary jaýapty bolsa, fınaldyq kezdesýlerdiń ótýin Týrızm jáne sport mınıstrligi Sport isteri jónindegi komıteti óz moınyna alady. Atalmysh dodaǵa komandalar dárigerdiń anyq­ta­masy, jarysqa qatysý jóninde mandattyq ko­mıssııaǵa usynǵan ótinishi bolǵan jaǵdaıda jiberiledi. Jarysqa Qazaqstan Respýblıkasy ulttyq ko­mandalarynyń músheleri, el chempıonattary men birinshilikterine qatysýshylar, kásipqoı sportshy­lar jiberilmeıdi. Spartakıadanyń jeńimpazdary jalpy koman­dalyq esep, komandanyń jekelegen sport túrinen kórsetken nátıjeleri men ár adamnyń jekelegen kórsetkishterine qaraı anyqtalady. Spartakıadaǵa qatysýǵa ótinishter Týrızm jáne sport mınıstrligi Sport isteri jónindegi komıteti, oblystyq, Astana jáne Almaty qalalyq týrızm, dene tárbıesi jáne sport basqarmalaryna jiberiledi. Mınıstrliktiń meken-jaıy: Astana qalasy, Abaı kóshesi, 33 a. Tel/faks: 8 (7172) 75 35 19, 75 31 49. Jarysqa qatysýǵa ótinish bildirgen komanda man­dattyq komıssııanyń otyrysyna ár sport túri boıynsha jasalǵan ótinishterin, jeke jáne qyz­met­tik kýálikterdi, jumys ornynan berilgen anyq­ta­many kórsetýge mindetti. Spartakıadanyń baǵdar­la­masyna sporttyń bes túri kiredi. Olar – voleıbol, shaǵyn fýtbol, shahmat, doıby jáne ústel tennısi. Voleıbol jarysyna 6 negizgi jáne 3 qosalqy quramdaǵy adamdar qatysady. Árbir kezdesý 25 upaı alǵansha eki jeńiske deıin jalǵasady. Eger esep 1:1 bolsa, úshinshi kezeńde 15 upaı sarapqa salynady. Shahmat, doıby jarysyna eki er adam jáne bir áıel adam qatysady. Jarystar FIDE erejesi boıynsha ótedi. Shaǵyn fýtbolǵa 9 oıynshy jiberiledi (5 negizgi jáne 4 qosalqy quramdaǵy adamdar). Ár kezdesý 20 mınótke sozylady. Ár taım 10 mınótten. Ústel tennısine ár komandadan eki adam qatysady. Onda bir er adam jáne bir áıel adam bolýy kerek. Dastan KENJALIN.