Yntymaq uıyǵan shańyraq

Oblysty mekendegen 90-nan astam ult tatý-tátti ómir súrýde. Qazir oblysta on segiz ulttyq-mádenı ortalyq jumys isteıdi. Olar ultaralyq tatýlyq pen birlikti, turaqtylyqty qalyptas­tyrýǵa ózindik úlesterin qosyp keledi. Etnomádenı birlestikter oblys kóleminde ótkiziletin sha­ra­larǵa turaqty túrde qatysady. Bul ortalyqtar Elbasynyń bı­ylǵy Qazaqstan halqyna Jol­daý­yn shalǵaıdaǵy eldi meken tur­ǵyndaryna túsindirýde aýqym­dy jumystar atqarýda. Olardyń ústimizdegi jyly ótkizetin bar­lyq mádenı sharalary el Táýel­sizdiginiń 20 jyldyǵyna arna­lyp otyr. Oblys basshylyǵy ta­ra­pynan etnomádenı birlestikterge ár kezde qoldaý kórsetilip keledi. Buǵan 2008 jyly paı­dalanýǵa berilgen «Dostyq» úıi dálel bolady. Qazir bul ǵımarat kóptegen ult­tardyń basyn biriktirgen yn­tymaǵy berik shańyraq. Sondaı qoldaý-kómektiń biri – ulttyq-mádenı ortalyqtarǵa jyl saıyn beriletin 75 myń teńge kóle­min­degi oblys ákiminiń granty bo­lyp tabylady. Jaqynda oblys ákimi Eleýsin Saǵyndyqov bar­lyq etnomádenı birlestikter jetekshilerine granttardy tap­sy­ryp, olardyń tatýlyqty nyǵaı­tý, tildi, ulttyq salt-dástúrdi, mádenıetti damytý jolynda at­qarǵan jumystaryna alǵys aı­typ, alda da shyǵarmashylyq ta­bys tiledi. О́z kezeginde «Qazaq­stan koreıleri qaýymdastyǵy» respýblıkalyq birlestigi Aqtóbe fılıalynyń tóraǵasy Konstantın Shaı, «Svıatlo» polıak etno­mádenı qoǵamdyq birlestiginiń tóraıymy Elena Sybýlskaıa men «Ellada» grek etnomádenı qo­ǵamdyq birlestiginiń múshesi Anastasııa Taılahıdı elimizdi mekendegen barlyq ulttardyń tilin, mádenıeti men salt-dás­túrin damytýǵa jaǵdaı týǵyzyp, olardy qoldap otyrǵan Elbasy Nursultan Nazarbaevqa sheksiz alǵysyn bildirdi. Elbasynyń pre­zıdenttik saılaýda basym­dyq­pen ­jeńiske jetýi Nursultan Ábishulynyń halyq aldyndaǵy bedeliniń joǵary ekenin kórset­kenin maqtanyshpen jetkizdi. Satybaldy SÁÝIRBAI. Aqtóbe oblysy.