Ulystyń Uly kúni baýyrlas ári týysqan eki halyqtyń arasyn merekelik kóńil-kúımen dánekerleıtin halyqaralyq jolaýshylar júrdek poıyzy eki aradaǵy qashyqtyqty ne bary 16 saǵat 30 mınýtta júrip ótpek.
Bul shara joǵary dárejedegi memleketaralyq kelisim aıasynda «Qazaqstan temir joly» AQ men «Ýzbekıston temır ıýlları» AQ delegasııalarynyń Tashkentte ótken sońǵy kezdesýinen keıin júzege asyp otyr.
Budan bylaı №1-2 halyqaralyq jolaýshylar júrdek poıyzy Almatydan dúısenbi, senbi kúnderi, al Tashkentten jeksenbi, seısenbi kúnderi turaqty túrde jolǵa shyǵyp turady. Almatydan attanatyn «Tulpar-Talgo» О́zbekstan astanasyna deıingi aralyqta Qazaqstannyń Otar, Shý, Taraz, Shymkent, Saryaǵash temirjol beketterinde aıaldaıdy.
Bir aıta keterligi, Qazaqstanda jasalǵan vagondardyń salondary ıspandyq ejelgi «Talgodaǵydan» keń ári álemdik jańa modern talaptarǵa saı keledi.
Ulyq mereke kúnderi jolǵa shyqqan júrdek poıyzdyń taǵy bir ereksheligi – eki elaralyq kelisimge sáıkes múmkindigi shekteýli jolaýshylar men olardyń járdemshileri úshin jol júrý bıletiniń quny 70 paıyzǵa deıin tómendetilip satylady.
Talǵat SÚIINBAI,
«Egemen Qazaqstan»
ALMATY