Bıylǵy jyly Astanada ótetin EKSPO-2017 halyqaralyq kórmesinde Qytaı pavılondarynyń aýqymy basqalarymen salystyrǵanda úlken. Bul týraly Qytaı Halyq Respýblıkasynyń Qazaqstandaǵy Tótenshe jáne ókiletti elshisi Chjan Hanhýeı qazaqstandyq BAQ ókilderimen kezdesýinde aıtty.
– Bizdiń pavılondarymyzdyń aýqymy basqalarymen salystyrǵanda úlken. Sonymen qatar, biz ony jabdyqtaýdy da basqa elderden buryn bastadyq,– dedi Chjan Hanhýeı myrza jýrnalısterge bergen suhbatynda.
Elshi Qazaqstanǵa keletin qytaılyq týrısterdiń sany týraly naqty derek aıtpady. Onyń sózine qaraǵanda, qazir týrıstik operatorlar osy iske jumylyp jatyr. Qytaılyqtar Qazaqstannyń tabıǵaty, saıahattaıtyn kórikti jerleri, tarıhı oryndary týraly qazir birshama habardar boldy.