Memlekettik qyzmet isteri jáne sy­baılas jemqorlyqqa qarsy is-qımyl agenttigi jýrnalıstik jumystarǵa baıqaý jarııalady

Baıqaý, qoǵamda sybaılas jemqorlyqqa qarsy mádenıetti qalyptastyrý, sybaılas jemqor­lyqqa tózbeýshilikti kórsetetin qundylyqtar júıesin saqtaý jáne nyǵaıtýǵa baǵyttalǵan.

Baıqaýǵa qatysý úshin 2017 jylǵy 1 qańtardan

1 maýsymǵa deıin jarııalanǵan nemese efırge shyqqan materıaldar, sondaı-aq jarııalanymdar sıklderi qabyldanady. Baıqaýǵa usyny­latyn jumystardyń sany shek­telmeıdi.

Materıaldar qazaq nemese orys tilderinde tómendegi nomınasııalar boıynsha qabyldanady:

- «Úzdik televızııalyq jumys»;

- «Úzdik baspa jarııalanymy»;

- «Úzdik ınternet jarııalanymy».

Baıqaý komıssııasy qatysý­shylardyń materıaldaryn 2017 jyldyń 1 maýsymyn qosa alǵanǵa deıingi merzimde qabyldaıdy. Baıqaýdyń nátıjesi qujattar qa­byldaý rásimi aıaqtalǵannan keıin qorytyndylanatyn bolady.

Baı­qaýdyń nátıjesin qo­ry­tyndylaý kezinde kelesi aspektiler eskeriletin bolady:

- materıaldardyń ózektiligi jáne kórsetilgen taqyrypqa sáıkestigi;

- máseleni taldaýdyń jańa­shyldyǵy men tereńdigi, onyń sybaılas jemqorlyqqa qarsy má­denıetti qalyptastyrýǵa áseri;

- mazmundaý stıli;

- avtorlyq tujyrymdamany berý máneri jáne derbestigi.

Baıqaýǵa qatysý úshin materıaldar kelesi meken-jaı boıynsha qabyldanady: 010000, Astana qalasy, Qazaqstan Respýb­lıkasynyń Memlekettik qyzmet isteri jáne sybaılas jemqorlyqqa qarsy is-qımyl agenttigi, , Abaı dańǵyly, 33a, 12-qabat,1205 kabınet, tel.: +7 (7172) 75-32-02, 75-34-08, sot: +77027437177, +77470011681 el.poshta: d.duisebaev@kyzmet.gov.kz

Buqaralyq aqparat quraldary ókilderi úshin sybaılas jemqorlyqqa qarsy mádenıet qalyptastyrý taqyrybyndaǵy úzdik jýrnalıstik jumystarǵa baıqaý týraly

EREJE

1. Jalpy erejeler

1. Buqaralyq aqparat qural­dary (budan ári – BAQ) ókilderi úshin sybaılas jemqorlyqqa qarsy taqyrybyndaǵy úzdik jýrnalıstik jumystarǵa baıqaý (budan ári – Baıqaý) qoǵamda sybaılas jemqorlyqqa qarsy mádenıetti qalyptastyrý, sybaılas jemqorlyqqa tózbeýshilikti kórsetetin qundylyqtar júıesin saqtaý jáne nyǵaıtý maqsatynda ótkiziledi.

2. Jeńimpazdardy aıqyndaý Baıqaý komıssııasynyń sheshi­mimen júzege asyrylady. Komıssııanyń quramyna Qazaq­stan Respýblıkasynyń Memlekettik qyzmet isteri jáne sybaılas jemqorlyqqa qarsy is-qımyl agenttiginiń (ári qaraı – Agenttik), basqa da memlekettik organdardyń jáne úkimettik emes uıymdardyń ókilderi kiredi.

2. Baıqaýǵa qatysý sharttary

3. Baıqaýǵa qatysýǵa respýb­lıkalyq jáne jergilikti deń­geıdegi barlyq BAQ jýrna­lısteri shaqyrylady.

4. Baıqaýǵa qatysýǵa sybaılas jemqorlyqqa qarsy mádenıetti qalyptastyrýǵa, qoǵamda sybaılas jemqorlyqqa tózbeýshilikti kórsetetin qun­dylyqtar júıesin saqtaýǵa jáne nyǵaıtýǵa baǵyttalǵan materıaldar (baǵdarlamalar, derekti fılmder, stýdııalyq jazbalar, maqalalar, suhbattar) qabyldanady.

2017 jylǵy 1 qańtardan 1 maýsymǵa deıin jarııa­lanǵan nemese efırge shyqqan materıaldar, sondaı-aq jarııalanymdar men baǵdarlamalar sıklderi qabyl­danady.

5. Baıqaýǵa usynylatyn jumystardyń sany shektelmeıdi.

6. Baıqaý taqyrybyna sáıkes emes jáne talaptarǵa saı kelmeıtin materıaldar, usyný merzimi aıaqtalǵannan keıin kelip túsken jumystar Baıqaýǵa jiberilmeıdi. Baıqaýǵa usynylǵan materıaldar qaıtarylyp berilmeıdi.

3. Baıqaýdyń ótý kezeńderi

7. Baıqaý týraly habarlandyrý.

Respýblıkalyq jáne jergi­likti BAQ-ta memlekettik jáne orys tilderinde Baıqaýdy ótkizý týraly habarlandyrý jáne oǵan qatysý sharttary jarııalanady.

8. Baıqaý materıaldaryn qabyldaý.

Jarııalanymdar túpnusqa nemese materıaldardyń ksero­kóshirmesi túrinde (basylymnyń ataýy, kúni jáne avtormen baılanys jasaý málimetteri tolyq kórsetile otyryp) usynylýy tıis.

Dybystyq-vızýaldy jumys­tar efırlik anyq­tamamen birge televızııalyq baǵdarlamanyń kóshir­mesi túrinde (cd/dvd dıs­­kilerinde, flash-tasymal­daýshylarynda) usynylýy tıis.

Aqparattyq agenttikterdiń jýrnalısteri jarııa­lanǵan materıaldardyń kóshirmesin ınternet-saıtta ornalastyrylǵanyn rastap joldaýy qajet.

Materıaldar memlekettik nemese orys tilderinde qabyldanady. Baıqaýǵa materıaldardy qabyldaýdyń sońǵy kúni – aǵymdaǵy jylǵy 1 maýsym.

Usynylatyn materıaldarǵa mynalar qosa beriledi: jýrnalıst týraly qysqasha ómirbaıandyq aqparat, 3h4 mólsherindegi fotosýreti, aqparattyq materıaldar tizimi.

Baıqaý materıaldary Agent­tiktiń meken-jaıyna 2017 jylǵy 1 maýsymǵa deıin kelip túsedi.

9. Baıqaý materıaldaryn qaraý.

Baıqaý materıaldaryn qa­raýdy materıaldardy qabyldaý aıaqtalǵannan keıin baıqaý komıssııasy júzege asyrady.

Baıqaý komıssııa usynylǵan materıaldardy kelesi sharttar boıynsha qaraıdy:

1) kórsetilgen taqyrypqa sáıkestigi;

2) máseleni taldaýdyń tereń­digi jáne onyń sybaılas jemqorlyqqa qarsy

mádenıetti qalyptastyrýǵa áseri;

3) mazmundaý stıli;

4) avtorlyq tujyrymdamanyń derbestigi.

10. Qorytyndylaý.

Jeńimpazdardy jarııalaý kelesi nomınasııalar boıynsha birinshi, ekinshi, úshinshi oryn alǵan úzdik jumystardy anyqtaıtyn Baıqaýdy jalpy qorytyndylaý aıasynda iske asyrylady:

1) Úzdik televızııalyq jumys;

2) Úzdik baspa jarııalanymy;

3) Úzdik ınternet jarııalanymy.

5. Baılanys aqparaty

010000, Astana qalasy, Qazaqstan Respýblıka­synyń Memlekettik qyzmet isteri jáne sybaılas jemqorlyqqa qarsy is-qımyl agenttigi, Abaı dańǵyly, 33a, 12-qabat, 1205 kabınet, tel.: +7 (7172) 75-32-02, 75-34-08, sot: +77027437177, +77470011681 el.poshta: d.duisebaev@kyzmet.gov.kz