«Elordadaǵy qaýipsizdik pen jaılylyq» jobasyn júzege asyrý maqsatynda Astana qalasy prokýratýrasynda «Terrorıstik turǵydan alǵanda qaýipti adamdardy taný úshin jedel profaılıng ádisteriniń negizderi» atty oqý-semınary uıymdastyryldy, dep habarlady Astana qalasy prokýratýrasynyń baspasóz qyzmeti.
Sharaǵa 80-nen astam kóshi-qon polısııasy men shekara qyzmetkerleri qatysty.
Oqytýdy Qazaqstan Respýblıkasynyń Memlekettik qorǵaý qyzmetiniń mamany júrgizdi. Oqý nátıjesinde joǵaryda atalǵan organdardyń qyzmetkerleri profaılıng salasyndaǵy teorııalyq bilim men tájirıbelik daǵdylarǵa ıe boldy.
«Elordadaǵy qaýipsizdik pen jaılylyq» keshendi jospary aǵymdaǵy jyldyń 20 qańtarynda Bas Prokýror jáne qala ákimi taraptarynan bekitilgendigin eske salamyz. Joba elorda turǵyndary men qonaqtaryna qaýipsiz ári jaıly jaǵdaı jasaýǵa, sonyń ishinde «EKSPO-2017» halyqaralyq kórmesin uıymdastyrýǵa negizdelgen 172 sharadan quralǵan.