Búgin Jańatas qalasynda jyldamdyǵy sekýndyna 32 metrge deıin jetken qatty jel soǵyp, saldarynan birneshe nysanǵa zaqym keltirdi, dep habarlaıdy Egemen.kz.
Joıqyn jeldiń saldarynan birneshe turǵyn úıdiń shatyry ushqan. Qazirgi ýaqytta jedel shtab qurylyp, zerdeleý jumystary júrgizilip jatyr. Mamandar keltirilgen shyǵyn men qalpyna keltirý jumystaryn edel-jedel qolǵa almaq.
Aqpan aıynda aýa raıy qandaı bolady?
«Qarataý qalasyndaǵy 1-shaǵyn aýdandaǵy №32, 33, 34, 35 turǵyn úıdiń, 3-shaǵyn aýdandaǵy №6 turǵyn úıdiń, 4-shaǵyn aýdandaǵy №15 jáne №15 A turǵyn úılerdiń shatyrlary jartylaı ushqan. Sonymen qatar Beıbitshilik kóshesinde ornalasqan tý tuǵyry qulap, aýdan aýmaǵynda elektr jaryǵy ýaqytsha sóngen. Qazirge deıin zardap shekken azamattar týraly aqparat tirkelgen joq.
Aýdan ákimdiginde jedel shtab qurylyp, zerdeleý jáne qalpyna keltirý jumystary júrgizilip jatyr. Jaǵdaıdy oblys ákimi Erbol Qarashókeev jeke baqylaýyna aldy», delingen oblys ákimdiginiń resmı saıtynda jarııalanǵan resmı aqparatta.
Sınoptıkter boljamy: Qazaqstanda kún kúrt sýytady