1.Egin egý jáne jınaý jumystaryn júrgizýge jasalatyn memlekettik qoldaý degenimiz ne?
«QazAgroQarjy» AQ aýyl sharýashylyǵyndaǵy basty problemalardyń biri – egin egý, egin jınaý jumystaryna jáne maýsymaralyq jumystarǵa qajetti tehnıkalyq parkti, sondaı-aq basqa da mamandandyrylǵan jabdyqtardy jańartý problemasyn sheshýde agrarshylarǵa qoldaý kórsetedi. Qazirgi tańda Qazaqstanǵa búkil aýyl sharýashylyǵy mashınalarynyń jartsynan kóbi «QazAgroQarjy» kompanııasynyń qarjylaı qoldaýynyń arqasynda ákelingen. Tek qana ótken jyldyń ózinde-aq kompanııa jalpy somasy 50 mıllıardtan astam teńgege 3 000 birlikten artyq tehnıkany satyp alýdy qarjylandyrǵan.
2.Kóktemgi egis naýqanyna aýyl sharýashylyǵy tehnıkasyn qaıdan jáne qandaı talaptarda alýǵa bolady?
Lızıng negizinde tehnıka men jabdyqtardy satyp alý múmkindikteri jóninde tolyǵyraq bilý úshin, «QazAgroQarjy» AQ ortalyq ofısyna, ne bolmasa onyń búkil Qazaqstan boıynsha fılıaldaryna barýyńyzǵa bolady.
Kredıt menedjerleri qoldanystaǵy talaptar, merzimderi, syıaqy mólsherlemeleri sııaqty qyzyqtyratyn barlyq máseleler boıynsha Sizge keńes beredi, qarjy lızıngisine tehnıka/jabdyq alý úshin jınaýǵa qajetti qujattar tizbesin usynady.
О́tken jyldyń aıaǵynan bastap aýyl sharýashylyǵy tehnıkasy men jabdyqtardyń lızıngisine arnalǵan syıaqy mólsherlemesi jyldyq 19%-dan 17,3% deıin tómendetilgenin atap ótken jón. Qarjylandyrý merzimi – 10 jylǵa deıin, avanstyq tólemi – tehnıka qunynyń 15% bastalady. Sonymen birge, tólemderdi óteýge 1 jylǵa deıin jeńildikti kezeń alý múmkindigi bar.
Bunymen qatar, «QazAgroQarjy» AQ tehnıkany «Belarýsta jasalǵan» baǵdarlamasy boıynsha qarjylandyrýdy jalǵastyrýda. Atalmysh baǵdarlama boıynsha Belarýs Respýblıkasynyń Úkimeti lızıng sharty jasalatyn sátke Qazaqstanda qoldanystaǵy qaıta qarjylandyrý mólsherlemesiniń 2/3 bóligin óteıdi. Bul baǵdarlama qazaqstandyq sýbsıdııalardy da alý múmkindigin joqqa shyǵarmaıdy.
Kompanııa arnaıy qarjylandyrý baǵdarlamalaryn da iske asyrady: «Ekspres-lızıng» baǵdarlamasy – ótinimderdiń jedeldetilip qaralýyn kózdeıdi, «Eginjaı» baǵdarlamasy – tehnıkany alǵashqy lızıngtik tólem tólenerge deıin alý múmkindigin beredi, «Qaıtalama lızıng» – buryn paıdalanýda bolǵan tehnıkanyń lızıngi.
Tolyq aqparatty kompanııanyń saıtynan taba alasyz www.kaf.kz.
3.Lızıngke tehnıka alýǵa kim ótinim bere alady, ol úshin qandaı krıterıılerge saı kelý kerek?
Qoǵamnyń saıasatyna sáıkes, jaǵymdy iskerlik bedeli, kredıttik tarıhy, bilikti qyzmetkerleri bar agroónerkásiptik keshenniń sýbektisi bolyp tabylatyn jeke jáne zańdy tulǵalar qarjylandyrylady. Joba Qoǵamnyń jarǵylyq maqsattaryna laıyqty bolýǵa, sondaı-aq onyń boljamdy tóleý qabilettiligi, rentabeldiligi men qarjylandyrý merzimimen salystyrýǵa keletin ótelý merzimi bolýǵa tıisti.
4.Bıylǵy jylǵy tehnıka satyp alýdy qarjylandyrý talaptarynyń ótken jylǵy talaptardan aıyrmashylyǵy nede?
О́tken 2016 jylǵy qarjylandyrý talaptarymen salystyrǵanda, aǵymdaǵy jyly bıýdjetten tys kózder boıynsha syıaqy mólsherlemesi jyldyq 19%-dan 17,3% deıin tómendetildi. Biz aýyl sharýashylyǵy taýar óndirýshileriniń júktemesin barynsha azaıtýǵa tyrysamyz. Osyǵan baılanysty, 2017 jylǵy 1 aqpannan bastap 2016 jyly jasalǵan barlyq lızıng sharttary boıynsha syıaqy mólsherlemesi 19%-dan 17,3% deıin tómendetildi.
Sonymen qatar, 2017 jyly bıznes-prosesterdi ońtaılandyrý is-sharalary júrgizildi, solardyń arqasynda: 1) Lızıng boıynsha ótinimderdi qaraý merzimi 8 jumys kúnine qysqartylyp, 18 jumys kún boldy (túzetýdi esepke almaǵanda). 2) О́tinish pen saýalnamany esepke alǵanda, sheshim qabyldaý satysynda Qaryz alýshynyń tapsyratyn qujattarynyń eń az paketi 9 (toǵyzǵa) deıin qysqartyldy. Buryn 12 qujat bolǵan.
5.Kishigirim fermer sharýashylyqtaryna jáne kredıt alýǵa alǵash ret ótinish tapsyryp otyrǵan tulǵalarǵa tehnıka men jabdyqty qalaı alýǵa bolady?
Eger ótinishker úshin belgilengen krıterıılerge saı kelip, qujattardyń tolyq paketi tapsyrylǵan jaǵdaıda, Qoǵam qandaı da bir shekteýsiz, agroónerkásiptik keshenniń barlyq sýbektilerin qarjylandyrady.
6.Eger kepilge salatyn múlki jetkiliksiz bolsa, fermer ne isteýi kerek?
Lızıngke tehnıka men jabdyq berý kezinde kepil qajet emes. Al tehnıka men jabdyq montajdy qajet etetin jaǵdaılarda ǵımarattar (úımeretter) ornalasatyn jer telimderimen qosa, lızıng zatynyń montajy júzege asyrylatyn ǵımarat (úımeret) kepilzat bolyp tabylady.