Osymen altynshy márte uıymdastyrylyp otyrǵan bul týrnır dástúrli túrde áıgili shańǵyshylardyń otany sanalatyn Rıdderde ǵana ótedi.
Bıyl dúbirli dodaǵa 250-ge jýyq sportshy qatysty. Shańǵyshylar 14 topqa bólinip, jas erekshelikterine qaraı saıysqa tústi. Qar ústindegi qan qyzdyrar básekeni ataqty shańǵyshy Alekseı Poltoranınniń ózi de tamashalady.
-Býrabaıda Vladımır Smırnovtyń júldesi úshin ótetin týrnırdi buryn biz de asyǵa kútetin edik. Sol saıysqa qatysyp, júldeger boldyq, jeńimpaz atandyq. Bizdiń qurmetimizge uıymdastyrylyp jatqan bul shara elimizdegi shańǵy sportynyń damýyna tyń serpin beredi dep oılaımyn, - deıdi shańǵyshy.
Saıys sońynda jeńimpazdardy álem chempıondary Alekseı Poltoranın men Sergeı Cherepanov marapattady. Joǵaryda aıtyp ótkenimizdeı, 800 metrde birinshi kelgen Alekseı Poltoranınniń uly Evgenıı Poltoranınniń jasy nebary segizde. Aıtpaqshy, bul jarysqa eń jasy kishi shańǵyshy retinde Alekseıdiń qyzy Krıstına da qatysty.
Azamat Qasym,
«Egemen Qazaqstan»
Shyǵys Qazaqstan oblysy