Is-sharaǵa Respýblıkalyq salalyq kásipodaqtardyń, elimizdiń barlyq óńirlerindegi Kásipodaq ortalyqtarynyń basshylary, kásipodaq belsendileri qatysty.
Satybaldy Dáýletalın Konstıtýsııalyq komıssııa quramyndaǵy jumys týraly aıtyp berdi jáne elimizde júrgizilip jatqan konstıtýsııalyq reformanyń tarıhı mańyzyn atap ótti.
«Konstıtýsııalyq komıssııaǵa búgingi tańda saıası partııalardan, úkimettik emes jáne qoǵamdyq uıymdardan, el azamattarynan 4 000-nan astam usynys pen ótinish kelip tústi. Bul otandastarymyzdyń elimizdiń Negizgi zańy qandaı bolatynyna beıjaı qaramaıtyndyǵyn, sondaı-aq onyń Referendýmda halyq tarapynan qabyldanatynyn bildiredi. Qazirgi ózgerister memleketimizdiń damýyndaǵy jańa ári tarıhı kezeńdi bastap beredi», dedi QRKF Tóraǵasy.
Jańa jobanyń ishindegi eń mańyzdy tustaryna toqtalǵan Satybaldy Dáýletalın birneshe jaıtty túsindirip ótti.
«Jobanyń tutastaı alǵanda áleýmettik memleketke baǵdarlanýy erekshe mańyzdy. Kásipodaqtar úshin eńbek etý quqyǵy jáne onyń konstıtýsııalyq mazmuny – jańa Konstıtýsııa jobasyndaǵy negizgi sátterdiń biri. Joba qoldanystaǵy Konstıtýsııadan aıyrmashylyǵy, árkimniń eńbek etýge jáne qyzmet túrin erkin tańdaýǵa quqyǵyn rastaıdy. Biraq eń basty jańalyq – bul quqyq endi memlekettiń áleýmettik jaýapkershiligimen jáne adamnyń qundylyǵymen tikeleı baılanysty bolady. Bul degenimiz, jumysqa jaı ǵana «is» dep emes, adamnyń laıyqty ómir súrýiniń negizi retinde qaraý. Eńbek etý quqyǵy degenimiz – tek jumys ornynyń bolýy emes, ol qaýipsiz eńbek jaǵdaıy, ádil jalaqy jáne jumys berýshiniń óz betimen sheshim qabyldaýynan nemese kemsitýden qorǵalý degen sóz. Osy quqyqtyń Konstıtýsııada bekitilýi jumysshynyń mártebesin kóteredi. Sebebi kez kelgen reforma nemese sıfrlandyrý jumystary aldymen eńbek adamyn qorǵaý qaǵıdasyna súıenýi kerek», dep óz ustanymyn bildirdi Kásipodaqtar federasııasynyń Tóraǵasy.
Taǵy bir mańyzdy ózgeris dep Satybaldy Dáýletalın jańa keńesshi organ – Halyq keńesiniń qurylýyn sanaıdy.
Magerramov: Jańa Konstıtýsııa memleket saıasatynyń jańa baǵdaryn aıqyndaıdy
«Jobada Halyq keńesi týraly erejeniń azamattardyń memleketti basqarýǵa qatysatyn jeke mekemesi retinde paıda bolýyn – halyqtyń bılik isine naqty aralasýynyń keńeıýi dep qarastyrýǵa bolady. О́z maǵynasy boıynsha bul jaı ǵana kórinis úshin nemese qur belgi úshin jasalǵan uıym emes. Bul Keńes qoǵam men bılik arasyndaǵy tikeleı sóılesý quraly retinde, jańa usynystar aıtý, mańyzdy reformalar men qoǵamǵa qajetti sheshimderdi talqylaý múmkindigimen jasalǵan. Jaldamaly jumysshylar men kásipodaqtar úshin bul óte mańyzdy. Alǵash ret konstıtýsııalyq deńgeıde áleýmettik toptar, sonyń ishinde eńbek ujymdary, eldegi máselelerge resmı túrde áser ete alatyn, zań shyǵarýǵa usynys bere alatyn jol ashylady. Olar endi tek is bolyp qoıǵannan keıin ǵana emes, sheshim qabyldanar kezde de yqpal etedi», dep atap ótti QRKF Tóraǵasy.
О́z kezeginde QRKF Tóraǵasynyń orynbasary Nurlan О́teshev jańa Konstıtýsııa jobasynyń negizgi erejeleri týraly aıtyp berdi. Ol jıynǵa qatysýshylardyń nazaryn memleketti basqarý júıesine usynylatyn ózgeristerge, azamattardyń quqyqtary men bostandyqtaryna qatysty máselelerge aýdardy.
Jańa Konstıtýsııada teńgeni ulttyq valıýta retinde bekitý usynyldy
Jańa Konstıtýsııa jobasyn talqylaı otyryp, salalyq jáne aýmaqtyq kásipodaq jetekshileri óz usynystaryn engizip, pikirlerin bildirdi.
«Qyzmet» memlekettik, bank mekemeleri jáne qoǵamdyq qyzmet kórsetý qyzmetkerleriniń salalyq kásipodaǵynyń tóraǵasy Mırbolat Jaqypov qazirgi Konstıtýsııa men jańa jobany salystyra taldaý quqyqtar men bostandyqtardyń naqtylanǵanyn, sondaı-aq halyqtyń múddesin qorǵaýdyń zańdy joldary kórsetilgenin aıtty.
Sonymen qatar, hımııa, munaı-hımııa jáne óndiristiń uqsas salalary qyzmetkerleriniń salalyq kásiptik odaǵynyń tóraǵasy Kerim Pirimqululy jańa Konstıtýsııa jobasynda sot júıesinde qorǵaý men aıyptaýdyń teń bolýy óte mańyzdy ekenin atap ótti.
«QAZAQMETAL KÁSIPODAǴY» Qazaqstandyq salalyq taý-ken metallýrgııa kásiptik odaǵynyń tóraǵasy, Parlament Májilisiniń depýtaty Asylbek Nuralın jańa Konstıtýsııa jobasynda belgilengen parlamenttik reformanyń ózektiligine toqtaldy.
Konstıtýsııalyq reforma jastarǵa qandaı múmkindikter usynady?
Talqylaýdy jalǵastyra otyryp, Aqtóbe oblysy Kásipodaq ortalyǵynyń tóraǵasy Altynbek Ámirǵalıev jıynǵa qatysýshylarǵa sóz arnap, aımaqtaǵy kásipodaqtardyń atynan otandastarǵa jańa Konstıtýsııa jobasyn qoldaýǵa shaqyratyn Úndeý qabyldaýdy usyndy.
Aqtóbelik áriptestiń bul usynysyn basqa da kásipodaq jetekshileri qoldady, olardyń arasynda Qazaqstandyq oqý-aǵartý, ǵylym jáne joǵary bilim qyzmetkerleriniń salalyq kásiptik odaǵynyń tóraıymy Aıgúl Muqasheva, Almaty oblysy Kásipodaq ortalyǵynyń basshysy Áset Qydyrmanov jáne basqalary bar.
Jıynǵa qatysýshylardy tyńdap bolǵan soń, Qazaqstan Respýblıkasy Kásipodaqtar federasııasynyń Tóraǵasy Satybaldy Dáýletalın memleket pen azamat úshin eń basty qundylyqtar Konstıtýsııa jobasynda bekitilgenin aıtty. Sondaı-aq, Basty zań jobasyn qoldaý – bul memlekettiń jáne onyń halqynyń odan ári damýyna azamat retinde óz úlesińdi qosý degendi bildiretinin atap ótti.
«Biz Qazaqstannyń bolashaǵyna tikeleı áser etetin mańyzdy tarıhı kezeńdi bastan ótkerip jatyrmyz. Bul Konstıtýsııa jobasyn qoldaý týraly sheshim qoǵamnyń bolashaqtaǵy jaǵdaıyna, tynyshtyqqa jáne elimizdiń damý baǵytyna áser etedi. Bul – árbir azamattyń oıy men ustanymy erekshe mánge ıe bolatyn jaýapty sát. Bul kezeńniń álemdegi jaǵdaı turaqsyz bolyp turǵan ýaqytqa tuspa-tus kelýi óte mańyzdy. Syrtqy jáne ishki qıyndyqtar jaǵdaıynda jańa Konstıtýsııany qoldaý jáne qabyldaý – Qazaqstannyń turaqty damý jolyn saqtap qalýǵa jasalǵan qadam», dep qorytyndylady QRKF Tóraǵasy.
Jıynnyń sońynda qatysýshylar Qazaqstan Respýblıkasy Kásipodaqtar federasııasynyń atynan qazaqstandyqtarǵa Úndeý qabyldaýdy qoldady.
Úndeý mátini:
«Qurmetti qazaqstandyqtar!
Búgingi tańda Qazaqstanda eldiń jańa Konstıtýsııasynyń jobasyn daıyndaý baǵytynda aýqymdy jumystar atqarylyp jatyr.Konstıtýsııalyq komıssııa Negizgi zańnyń zamanaýı shynaıylyq pen qoǵamnyń ózekti suranystaryna negizdelgen jańa redaksııasyn ázirlep shyqty.
Qazirgi ýaqytta memleketimizdiń bolashaǵyna tikeleı yqpal etetin aıryqsha tarıhı kezeń bastalyp otyr.
Osy qujatty qoldaý týraly sheshim qoǵamnyń keleshegine, turaqtylyqqa jáne memlekettiń uzaq merzimdi damý vektoryna yqpal etedi.Dál osyndaı jaýapty sátte árbir azamattyń jeke pikiri men ustanymy erekshe mánge ıe bolmaq.
Elimizdegi eki mıllıonǵa jýyq eńbek adamynyń múddesin qorǵaıtyn Qazaqstan Respýblıkasy Kásipodaqtar federasııasy júrgizilip jatqan konstıtýsııalyq reformany tolyq qoldaıtynyn málimdeıdi. Sonymen qatar, áleýmettik memleketti damytýǵa, eńbek adamynyń mártebesin nyǵaıtýǵa jáne azamattardyń eldi basqarý isine qatysýyn keńeıtýge baǵyttalǵan birqatar mańyzdy erejelerdi erekshe atap ótedi.Biz jańa Konstıtýsııa jobasyn – adam qundylyǵy kez kelgen júıeden bıik turatyn naǵyz halyqtyq zań dep esepteımiz.
Budan bólek, jańa Konstıtýsııa jobasynda áleýmettik jaýapkershilik pen qoǵamdyq birlik basty qundylyqtar retinde aıqyndalǵan.
Eńbekti qorǵaý, bilim berý jáne alǵa basý memlekettiń strategııalyq basymdyqtary bolyp belgilendi.Jańa Konstıtýsııa jobasy Qazaqstannyń áleýmettik memleket retindegi mártebesin tolyqtaı saqtap qalady.
Osy oraıda áleýmettik baǵyt, árbir azamattyń qaýipsizdik tetikteri, zań aldynda báriniń teń bolýy, adamnyń ar-namysy men qadir-qasıetin jáne eńbegin qorǵaý sharalary kúsheıtildi.
Atalǵan baǵyttardyń barlyǵy kásipodaqtar úshin ózgermeıtin basty qaǵıdattar.
Konstıtýsııalyq reforma elimizdiń damýdyń jańa sapaly deńgeıine ótýin kózdeıdi.
Jobada usynylǵan Halyqtyq keńes pen Quryltaı jumysyna qatysty normalar – bul demokratııalyq ınstıtýttardy nyǵaıtýdy jáne qoǵamnyń memlekettik basqarý men mańyzdy sheshimder qabyldaý isine qatysý sapasyn arttyrýdy kózdeıtin júıeli qadamdar.
Osy úderisterge azamattyq qoǵamnyń, sonyń ishinde kásipodaqtardyń qatysýy mıllıondaǵan jumysshylardyń múddesin qorǵaýǵa naqty jol ashady.
Jańa Konstıtýsııa jobasynda tártipke, kásibılikke, adal eńbekke jáne zańdy qurmetteýge negizdelgen, mańyzdy ómirlik ustanym retindegi jasampaz patrıotızm bekitilgen.
Halyqtyń ál-aýqatyn kóterý tuńǵysh ret konstıtýsııalyq maqsat bolyp aıqyndaldy.
Osylaısha, azamattar men eńbek adamynyń ómir súrý sapasy damýdyń eń basty ólshemi retinde anyqtalady.Sonymen qatar, jańa Konstıtýsııa jobasy Ekonomıkalyq, áleýmettik jáne mádenı quqyqtary týraly halyqaralyq paktke tolyq saı keledi.
Jobada jumys ornynyń qaýipsizdik pen gıgıena talaptaryna saı eńbek jaǵdaılaryna, eńbegi úshin qandaıda bir kemsitýsiz syıaqy alýǵa, sondaı-aq zańǵa sáıkes áleýmettik qorǵalýy quqyǵyna kepildik beredi dep naqty bekitilgen.Joba árkimniń eńbek etýge jáne qyzmet túrin erkin tańdaýyna quqyǵy bar ekenin rastaıdy, alaıda bul quqyqtyń memlekettiń áleýmettik sıpaty men adam basymdyǵy aıasynda qaralýy óte-móte mańyzdy.
Kásipodaqtar úshin jobanyń basty elementi – eńbek etý quqyǵy jáne onyń konstıtýsııalyq janjaqty qamtylýy bolyp tabylady. Jańa joba ár adamnyń qalaǵan jumysymen aınalysýyna múmkindik beredi. Sondaı-aq, memlekettiń basty nazarynda júıe emes, adam jáne onyń múddesi turatynyn dáleldeıdi. Bul jumyskerlerdiń múddesine jáne áleýmettik dıalogta dáıekti túrde qorǵalyp júrgen kásipodaqtardyń maqsattaryna sáıkes keledi.Biz, Qazaqstan Respýblıkasynyń Kásipodaqtar federasııasy atynan bul konstıtýsııalyq reforma qoǵamdy biriktirip, eńbek adamynyń abyroıyn arttyratyna jáne áleýmettik ádilettilikti kúsheıtýge múmkindik jasaıtynyna nyq senimdi bildiremiz. QRKF Ádiletti Qazaqstandy qurý jolyndaǵy óte mańyzdy qadam retinde Konstıtýsııa jańa jobasyn qoldaıtynyn málimdeıdi.
Kásipodaq tarapynan konstıtýsııalyq reformany qoldaý sanaly ári jaýapty ustanym. Biz jańa Konstıtýsııany aldaǵy ýaqytta eńbek zańnamasyn jaqsartý, áleýmettik áriptestikti damytý jáne laıyqty eńbek kepildikterin nyǵaıtý negizi retinde qarastyramyz.
Qazaqstan Respýblıkasy Kásipodaqtar federasııasy Jańa konstıtýsııany qabyldaý Ádiletti Qazaqstandy qurýǵa yqpal etedi, sonymen qatar bul memlekettiń adam men onyń eńbegine qurmet jáne qoǵamdaǵy yntymaqtastyq negizinde saıasatyn qalyptastyrýǵa daıyndyǵyn rastaıdy dep sanaıdy.
Biz barlyq azamattardy el bolashaǵy úshin jalpy jaýapkershilikti anyq sezinýge jáne daıyndalǵan jańa Konstıtýsııa jobasyn qoldaýǵa shaqyramyz», delingen.
