Olardyń arasynda Shyǵysqa bet alǵan Akbar men Jasmınniń otbasy da bar edi. О́mirdiń aýyr synynda júkti Jasmın súıgen jarynan kóz jazyp qaldy. Keıin uldy boldy. Qıyn kúnderinde daladaı keń peıilimen qanatynyń astyna alǵan halyqtyń qurmetine atyn Qazaqbaı dep qoıdy. Ár tań saıyn «Akbar kelip qalar» degen úmitpen kókjıekke qaraýmen qarttyqqa jetken Jasmınniń arzý-armany aqyry oryndaldy...
Jazýshy, aýdarmashy Málik Otarbaevtyń «Baıandy baq» pesasyn Mahambet atyndaǵy Atyraý oblystyq qazaq drama teatrynyń ártisteri joǵary deńgeıde sahnalady. Qoıylymnyń alǵashqy kórsetilimine avtor Túrkııadan arnaıy kelip qatysty. Teatrdyń bas rejısseri Muqanǵalı Tomanov az ýaqyttyń ishinde kórermenge aıtar oıy men berer tálimi bar shyǵarmany asqan sheberlikpen jetkizdi.
- О́ner týyndylary halyqtar arasyndaǵy dostyq pen yntymaqtastyqty nyǵaıtady, bir-birine jaqyndastyrady. Spektaklde baıandalǵan oqıǵa shynaıy ómirden alynǵan. Repressııa kezinde qanshama taǵdyr baqytsyzdyqqa ushyrady. Qazaq halqy jer aýyp kelgenderdiń bárine janashyrlyqpen qarady. Biz osynyń bárin jas urpaqqa kórsetýimiz kerek, - deıdi Málik Otarbaev.
Al atyraýlyq teatr ujymy aldaǵy ýaqytta «Baıandy baqty» Ankara sahnasynda qoıýdy josparlap otyr.
Baqytgúl Babash,
«Egemen Qazaqstan»
ATYRAÝ.