Atyraýda eki stadıon bar. Onyń biri – «Munaıshy» stadıonynda kúrdeli jóndeý júrgiziledi. Al «Sýdremontnık» stadıony Premer-lıga oıyndaryn ótkizý talabyna sáıkes emes, dep habarlaıdy Egemen.kz.
«Atyraý» fýtbol klýbynyń dırektory Qýandyq Jaqııalıevtyń aıtýynsha, komanda belgili bir sebeppen qarsylastaryn jergilikti stadıonda qabyldaı almaıdy.
«Premer-lıga oıyndaryn ótkizý úshin stadıonda 3 myń oryn, jaryq bolýy qajet. Basqa da talaptar bar. Osyǵan baılanysty «Munaıshy» stadıonynda kúrdeli jóndeý jumysyn bastaý kózdelip otyr. Al «Sýdremontnık» stadıony jattyǵý ótkizetin oryn retinde salynǵan. Bul stadıon Premer-lıga oıyndaryn ótkizý talabyna sáıkes bolmaı tur. Atalǵan stadıondy da talapqa sıkestendirý úshin jumystary qolǵa alynady. Osyǵan oraı «Atyraý» klýbynyń qarsylas komandalarmen aldaǵy eki-úsh aıdaǵy oıyndaryn Túrkistan qalasynda ótkizýge sheshim qabyldandy», deıdi Qýandyq Jaqııalıev.
«Atyraý» fýtbol klýbynan bir mezette 12 oıynshy ketetin boldy
Eske sala keteıik, «Atyraý» fýtbol klýbynyń sapy jańa legıonermen tolyqty. Endi Belarýs quramasynyń oıynshysy Egor Hvalko jergilikti komandanyń namysyn qorǵaıdy.
Fýtboldan Qazaqstan quramasynyń qarsylastary belgili boldy