Konstıtýsııalyq reforma jónindegi komıssııanyń 12-shi otyrysynda Májilis depýtaty, «Respublica» partııasy fraksııasynyń jetekshisi Aıdarbek Qojanazarov jańa Konstıtýsııa jobasyn qoldaıtynyn málimdedi. Onyń aıtýynsha, usynylyp otyrǵan qujat eldiń aldaǵy damý baǵytyn aıqyndaıtyn strategııalyq mańyzy bar bastama, dep jazady Egemen.kz.
Depýtat jańa Ata zań jobasynyń mazmunyna toqtalyp, onyń daıyn úlgilerdiń kóshirmesi emes ekenin atap ótti.
«Usynylyp otyrǵan Konstıtýsııa jobasy daıyn úlgilerdiń kóshirmesi emes. Iá, biz halyqaralyq tájirıbeni zerdelep, kásibı qaýymdastyqpen keńestik. Alaıda túpkilikti mátin – derbes tańdaýymyzdyń nátıjesi. Ol bizdiń qoǵamnyń qundylyq negizderin beıneleıdi, tarıhı sabaqtastyqty saqtaıdy ári jańa syn-qaterlerdi eskeredi», dedi Aıdarbek Qojanazarov.
Onyń sózinshe, qujatta egemendiktiń ıesi ári bıliktiń birden-bir bastaýy – halyq ekeni aıqyn kórsetilgen. Memlekettik turaqtylyq qoǵamdyq kelisim men ózara senimge negizdeledi. Sonymen qatar bolashaq damý baǵyttary, sıfrlyq transformasııa jáne zamanaýı syn-qaterlerge jaýap berý tetikteri de qamtylǵan.
Ashat Rahymjanov: Jańa Konstıtýsııa azamattardyń eldiń saıası ómirine qatysý múmkindigin keńeıtedi
Aıdarbek Qojanazarov basqarý júıesindegi ınstıtýsıonaldyq ózgeristerge de nazar aýdardy.
«Birpalataly Parlament – Quryltaı qalyptastyrylady, onyń baqylaý fýnksııalary kúsheıtiledi. Partııalardyń mańyzy artyp, olardyń qoǵam aldyndaǵy saıası jaýapkershiligi kúsheıedi. Bul qadamdar ınstıtýsıonaldyq tepe-teńdikti qamtamasyz etýge baǵyttalǵan», dedi fraksııa jetekshisi.
Sergeı Ponomarev: Jańa Konstıtýsııa Qazaqstandaǵy qoǵamdyq kelisim men birlikti nyǵaıtady
Depýtattyń paıymynsha, jańa Konstıtýsııa uzaq merzimdi jańǵyrýdyń quqyqtyq negizin qalaıdy.
«Jalpy alǵanda, jańa Konstıtýsııa – jaı ǵana quqyqtyq qujat emes. Bul – ınstıtýttardy jańartýǵa arnalǵan qural. Biz ókilettik pen jaýapkershilik arasyndaǵy sáıkestik, strategııalyq jaýapkershilik pen qoǵamdyq senim qalypty qaǵıdaǵa aınalatyn, myqty, ádiletti ári turaqty Qazaqstannyń negizin qalaımyz», dep túıindedi Aıdarbek Qojanazarov.
Magerram Magerramov Konstıtýsııa jobasyn referendýmǵa shyǵarýdy usyndy
Aıta keteıik, 2026 jylǵy 15 naýryzda respýblıkalyq referendým ótedi. Tıisti Jarlyqqa Prezıdent Qasym-Jomart Toqaev qol qoıdy.