Elbasynyń Qazaqstan halqyna «Qazaqstannyń úshinshi jańǵyrýy: jahandyq básekege qabilettilik» Joldaýy aıasynda densaýlyq saqtaý salasyndaǵy negizgi ınnovasııalardy, otandyq medısınany jańǵyrtýdyń baǵyttaryn túsindirdi. Jumys sapary barysynda mınıstr oblystyń medısınalyq aktıvimen, medısınalyq qyzmet kórsetý salasyndaǵy kásipkerlermen kezdesip, respýblıkadaǵy mindetti áleýmettik medısınalyq saqtandyrýdy engizý sharalary týraly túsindirdi.
E. Birtanov jumys saparyn Qyzylorda oblysynyń Ahýaldyq ortalyǵy jaǵdaıymen tanysýdan bastady. Atalǵan ortalyq óńirdiń qoǵamdyq-saıası ahýalynyń makroekonomıkalyq kórsetkishterin boljaýmen, áleýmettik-ekonomıkalyq damý monıtorıngin taldaýmen aınalysady. E. Birtanov ortalyqtyń jumysymen tanysýmen qatar, «Densaýlyq saqtaý» júıesiniń tarmaqtaryna nazar aýdardy.
«Júıeniń atalmysh tarmaǵy aýrý men ólim-jitimniń jalpy kórsetkishterin aımaqtar boıynsha baqylaý jáne salystyrmaly taldaýlar jasap, ana men bala óliminiń sebepterin, áleýmettik mańyzy bar aýrýlar, epıdemıologııalyq jaǵdaı men aldyn alý sharalaryn jedel baqylaıdy jáne óńirdiń medısınalyq mekemeleriniń ahýalyn qadaǵalaýdy qamtamasyz etedi», - dep habarlady ortalyq basshysy Indıra Aqjigitova.
Sondaı-aq, E. Birtanov aımaqtyń medısına qyzmetkerlerimen kezdesip, Elbasy Joldaýynda densaýlyq saqtaý salasy boıynsha berilgen tapsymalardy oryndaý barysy týraly jáne mindetti áleýmettik medısınalyq saqtandyrý júıesi týraly keńinen túsindirý jumystaryn júrgizý jóninde sóz qozǵady.
«2016 jyly medsına salasynyń qyzmetkerlerine, jergilikti turǵyndar men jumys berýshilerge engizilgen ózgeristerdi túsindirý jumystary júrgizildi. Arnaıy shtabtar qurylyp, BAQ arqyly aqparattandyrý sharalary belsendi túrde júzege asyryldy», -dedi oblys ákimi Q. Kósherbaev jınalystaǵy kirispe sózinde.
QR Densaýlyq saqtaý mınıstri shekteýli merzim aralyǵynda MÁMS júıesin engizý jónindegi aqparattandyrý-nasıhattaý jumystaryn kúsheıtý qajet ekendigin aıta kelip, 5 sáýir men 31 maýsym aralyǵynda elimizde jappaı emhanaǵa tirkelý naýqany júzege asyrylatynyn atap aıtty.
Sondaı-aq, QR azamattary qosymsha medısına qyzmetteri nemese aqyly medısına qyzmet túrlerin (aqyly palata, qymbat dárilerdi birlese otyryp satyp alý, naýqastyń qalaýy boıynsha tekserilý jáne t.b.), erikti medısınalyq saqtandyrý (EMS) nemese tegin medısına qyzmet túrlerin qabyldaýǵa quqyly.
«QR Zańyna sáıkes, medısınalyq saqtandyrý júıesi QR turǵylyqty azamattary men Qazaqstanda turatyn, jumys isteıtin shetel azamattaryna da mindetti bolyp tabylatynyna nazarlaryńyzdy aýdarǵym keledi. Bul - Qazaqstanda turatyn ár adamǵa, shetelde turatyn ár qazaqstandyqqa memleketten nemese jumys berýshiden, azamattyń óz qarjysynan ÁMS qoryna jarna nemese tólem aýdarylýy tıis degendi bildiredi», - dedi vedomostvo basshysy.
Ári qaraı E. Birtanov №2 qalalyq emhananyń jobasy boıynsha densaýlyq saqtaý basqarmasy men «Qyzylorda shıpajaıy» JShS arasyndaǵy memlekettik-jekemenshik áriptestik negizinde ózara kelisimshartqa qol qoıý sharasyna qatysty. Oblysta memlekettik-jekemenshik seriktestik aıasynda densaýlyq saqtaý boıynsha 6 joba maquldandy, onyń ishinde №2,4 emhanalar jáne 4 dárigerlik ambýlatorııalar jumys atqarýda.