Semeı qalasyna arnaıy jumys saparymen kelgen Ishki ister mınıstrliginiń Tótenshe jaǵdaı boıynsha komıteti tóraǵasynyń orynbasary Marat Kýldıkov pen Shyǵys Qazaqstan oblysy boıynsha TJ departamentiniń basshysy Nurlan Madıarov tasqyn sýǵa baılanysty jaǵdaılardy baqylap kórdi.
Sapar barysynda Marat Kýldıkov №2 «О́rt sóndirý jáne avarııalyq-qutqarý» otrıadynyń tyńǵylyqty daıyndyǵyn tekserdi. Jáne Semeı qalasyndaǵy Shyǵys óńirlik aeromobıldik qutqarý tobynyń 7-shi bóliminiń de shuǵyl jaǵdaılar oryn alǵan kezdegi daıarlyqtary da nazardan tys qalmady. Ertistegi sý aǵyny, seńder qozǵalysy baqylaýǵa alynǵan. Búginde Semeı qalasy boıynsha 81 991 tekshemetr aǵyn sý soryp alynǵan.
Erigen qar sýy qalanyń birneshe kóshelerin, atap aıtqanda, Týrıstik, 108 jáne 112, Rýbsovskaıa, 57 a, Ogorodnyı 60 mekenjaılarynda ornalasqan jer úılerdi alyp ketken. Bul jerlerde sýdy soryp alý jumystary júrdi. Jáne Semeıdiń Shyǵys kentindegi Jomartbaev 56 mekenjaıynda sý jınaqtap, sorý jumystary júrip jatyr.
Ertiste qalyń muzdyń qabaty sógildi. Biraq, ázirshe ózenniń sýy kóterilgen joq. Seńniń toqtap qalýy Zaton aýmaǵynyń 1-shaǵyn aýdanynda baıqalady. Qazirgi mindet – osy seńderdi ózen aǵysymen jyljytyp jiberý. Sol úshin sý deńgeıiniń monıtorıngi kún saıyn zerttelýde. Semeı qalalyq TJ basqarmasynyń mamandary aıtqandaı, búginde sý deńgeıi 202 sm qurap otyr. Jaǵdaı ázirshe birqalypty.
Raýshan NUǴMANBEKOVA
SEMEI