10 sáýir kúni 23 saǵat 10 mınýtta oblystyq tótenshe jaǵdaılar departamentine Atyraý qalasy Qunanbaev kóshesi 28 úıde ornalasqan sýpermarketke jarylǵysh zat qoıylǵany týraly telefon qońyraýy kelip túsken.
Kórsetilgen meken-jaıǵa arnaıy qyzmet ókilderi jedel jetip, sýpermarket qyzmetkerleri men úı turǵyndaryn qaýipsiz jerge shyǵardy. Alaıda tekserý kezinde eshqandaı jarylǵysh zat tabylmady. Habarlamanyń jalǵan ekeni anyqtaldy.
- Jedel izdestirý sharalarynyń nátıjesinde kúdikti azamat ustaldy. Ol atalǵan úıdiń aýlasynda ishimdik ishken mas kúıinde quqyq qorǵaý qyzmetkerleriniń nazaryna ilikken. 1989 jyly týǵan azamat buryn urlyq jasap, sottalǵan. Kinásin moıyndap, túsinikteme berdi. Qazir QR QK 273 baby boıynsha sotqa deıingi tergeý júrgizilip jatyr, - deıdi oblystyq ishki ister departamenti baspasóz qyzmetiniń jetekshisi Gúlnazıra Muqtarova.
Baqytgúl BABASh,
«Egemen Qazaqstan».
ATYRAÝ.