Forýmǵa 20 memleketten 500 qatysýshy keledi. Oblys ákimdigi «ITECA» halyqaralyq kórme kompanııasy men Atyraý munaı jáne gaz ýnıversıtetimen birlesip qolǵa alǵan sharanyń maqsaty - aımaqtyń ınvestısııalyq múmkindikterimen tanystyrý, oblys ekonomıkasyna jáne naqty ınvestısııalyq jobalarǵa ınvestısııa tartý. Aıta keteıik, Atyraý oblysy – ınvestısııa tartýdan kóshbasshy aımaq, ótken jyly elimizge tartylǵan ınvestısııa kóleminiń 25 paıyzdan astamy munaıly óńirdiń úlesinde boldy. Indýstrııalandyrý baǵdarlamasy boıynsha oblysta byltyr jeti joba júzege asty. Bıyl jalpy quny 11,8 mlrd teńge bolatyn tórt joba iske qosylady.
Forým aıasynda «Global Oil&- Gas Atyrau 2017» Soltústik-Kaspıı aımaqtyq kórmesi ótip, óńirdegi ınvestısııalyq jobalar jaıynda keń maǵlumat beriledi. Oblys ákimi dıplomatııalyq korpýs pen qatysýshy kompanııa ókilderin qabyldaıdy. Bıznestik qurylym jetekshileri ózara iskerlik kezdesýler ótkizedi. Sondaı-aq, «Munaı-gaz klasteri - aımaqtyń básekege qabilettiligin arttyrý quraly», «Joba menedjmenti nemese ınvestısııa tıimdiliginiń sharttary» taqyryptarynda plenarlyq májilis josparlanǵan.
Baqytgúl Babash,
"Egemen Qazaqstan"
ATYRAÝ.
Baqytgúl BABASh,
«Egemen Qazaqstan».