- Alǵash jetkizilgen materıaldyń saraptamasy shyqty. Iri qara pasterellez aýrýynan ólgen. Osy aptanyń sońyna daıin basqa maldyń da ólý sebebi belgili bolady, - dedi Batys Qazaqstan oblystyq veterınarlyq basqarmasynyń basshysy Qazbek Táshimov.
Basqarma basshysynyń aıtýynsha, Qoskól aýyldyq okrýginde kúni búginge deıin 6 iri qara, 20 buzaý, 12 qoı-eshki, 23 qozy-laq ólgen.
- Qoskólge arnaýly veterınarııalyq top jiberiledi. Mal aýrýyna baılanysty arnaıy shekteý engiziledi, okrýg aýmaǵynan bir de bir maldy syrtqa shyǵarýǵa, ishke alyp kirýge tyıym salynady. Bul ýaqytsha, 14 kúndik shara. Aýrý oshaqtarynda tıisti dezınfeksııalaý jumystary jasalǵan soń shekteý alynady,- dedi Qazbek Táshimov.
Degenmen, atalǵan eldi mekennen habarlasqan turǵyndar juqpaly aýrýdan qyrylǵan mal sany áldeqaıda kóp ekendigin aıtady.
Qazbek QUTTYMURATULY,
«Egemen Qazaqstan»
ORAL