Partııa fılıalynyń reseılik «Máńgilik polk» jobasynyń balamasy sekildi bul aksııasynda Jeńis merekesine bir aı qalǵanda jurtshylyqqa habarlandyrý berip, Uly Otan soǵysyna qatysqan, maıdan dalasynda erlikpen qaza tapqan jerlesterdiń sýretterin jınaıdy.
«Maıdangerlerdiń nemere, shóbereleri atalarynyń portretterin ákelip, partııa fılıalyna tapsyrady. Biz olardyń kóshirmesin alyp, úlkeıtip, oǵan aty-jónin, týǵan, qaza tapqan jyldaryn jazyp, portret jasatamyz. Osyǵan ketetin qarjynyń barlyǵyn «Nur Otan» partııasynyń oblystyq fılıaly ózine alady» dedi fılıaldyń saıası jumystar bóliminiń meńgerýshisi Oljas Dúısekov.
Qostanaılyqtar bul aksııany qaıyrymdylyǵy bar, qasıetti is dep bilip, belsene qatysady. Tipti qazir partııa fılıalynyń volonterleri jáne áleýmettik qyzmetkerler júre almaı, úıde otyryp qalǵan soǵys ardagerleriniń de portretterin jasatyp, mereke kúni qala kóshelerinen sap túzep júrip ótetin sherýge alyp shyǵatyn bolady.
Oljas Dúısekovtyń aıtýynsha, qazirge deıin partııa fılıaly bir myńǵa jýyq qostanaılyq maıdangerler portetin jasatypty.
Názıra Járimbetova,
«Egemen Qazaqstan»
QOSTANAI